ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ତୁମ ପାଇଁ - ସିଦ୍ଧେଶ୍ଵର ତ୍ରିପାଠୀ

ତୁମ ପାଇଁ - ସିଦ୍ଧେଶ୍ଵର ତ୍ରିପାଠୀ


ହସିଲା ଏରାତି ହସିଲା ଏଦିନ
ଝୁମି ଉଠିଲା ଏ ମନ
ଏଇମୋ ଜୀବନେ ତୁମକୁ ପାଇଲି
ସତ ହେଲା ମୋ ସପନ ।

ତୁମେତ ଆସିଲ ପୁନେଇଁ ରାତିରେ
ତୋଫା ଜହ୍ନ ଟିଏ ହୋଇ
ମୋ ଅନ୍ଧାର ପଥେ ଆଲୋକ ଭରିଲା
ତୁମରି ପରଶ ପାଇ ।

ତୁମରି ଓଠର ମଧୁ ବରସାରେ
ଲିଭିଲା ସବୁ ଦହନ
ଏଇମୋ ଜୀବନେ ତୁମକୁ ପାଇଲି
ସତ ହେଲା ମୋ ସପନ -  -  -  -

ସବୁ ପଛକଥା ଭୁଲିଗଲି ଆଜି
ତୁମକୁ ପାଖରେ ପାଇ
ତୁମ ହାତଧରି ଚାଲୁଥିବି ବାଟ
ଆଉକିଛି ଲୋଡ଼ା ନାହିଁ ।

ତୁମ ପରଷରେ ମହକି ଉଠୁଛି
ପୀରତିର ମଧୁବନ
ଏଇମୋ ଜୀବନେ ତୁମକୁ ପାଇଲି
ସତହେଲା ମୋ ସପନ ।

ସିଦ୍ଧେଶ୍ଵର ତ୍ରିପାଠୀ
କୁଣ୍ଡିଲୋ, କେରଙ୍ଗ, ଖୋରଧା