Information

ତୁମ ପାଇଁ - ସିଦ୍ଧେଶ୍ଵର ତ୍ରିପାଠୀ


ହସିଲା ଏରାତି ହସିଲା ଏଦିନ
ଝୁମି ଉଠିଲା ଏ ମନ
ଏଇମୋ ଜୀବନେ ତୁମକୁ ପାଇଲି
ସତ ହେଲା ମୋ ସପନ ।

ତୁମେତ ଆସିଲ ପୁନେଇଁ ରାତିରେ
ତୋଫା ଜହ୍ନ ଟିଏ ହୋଇ
ମୋ ଅନ୍ଧାର ପଥେ ଆଲୋକ ଭରିଲା
ତୁମରି ପରଶ ପାଇ ।

ତୁମରି ଓଠର ମଧୁ ବରସାରେ
ଲିଭିଲା ସବୁ ଦହନ
ଏଇମୋ ଜୀବନେ ତୁମକୁ ପାଇଲି
ସତ ହେଲା ମୋ ସପନ -  -  -  -

ସବୁ ପଛକଥା ଭୁଲିଗଲି ଆଜି
ତୁମକୁ ପାଖରେ ପାଇ
ତୁମ ହାତଧରି ଚାଲୁଥିବି ବାଟ
ଆଉକିଛି ଲୋଡ଼ା ନାହିଁ ।

ତୁମ ପରଷରେ ମହକି ଉଠୁଛି
ପୀରତିର ମଧୁବନ
ଏଇମୋ ଜୀବନେ ତୁମକୁ ପାଇଲି
ସତହେଲା ମୋ ସପନ ।

ସିଦ୍ଧେଶ୍ଵର ତ୍ରିପାଠୀ
କୁଣ୍ଡିଲୋ, କେରଙ୍ଗ, ଖୋରଧା

Post a Comment

0 Comments