Information

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ପ୍ରତାରଣା - ଜିତେନ୍ଦ୍ର ସାହୁ


କଥାଦେଇଥିଲି ଭୁଲିବିନି ବୋଲି
   ଚାଲୁଥିବା ଯାଏଁ ମୋ ନିଶ୍ବାସ,
ମୁଁ ଯେ ମୋର କଥା କଲିନାହିଁ ମିଥ୍ୟା
    ତୁ କିନ୍ତୁ ଭାଙ୍ଗିଦେଲୁ ବିଶ୍ବାସ,,।।
ଛାଡି ଚାଲିଗଲୁ ଭଲ କି ଯେ କଲୁ
    ମୋ ସାଥିରେ ଚାଲି ଅଧା ବାଟ,
ନିରୁପାୟ ବୋଲି ସହି ସିନା ଗଲି
    ତୋ ନାଗୁଣୀ ମୁଖର ସେ ଚୋଟ,,।।
ରହିଛି ସେଇଠି ଛାଡି ତୁ ଯେଉଁଠି
   ଯାଇଅଛୁ କରି ମତେ ଏକା,
ଚାଲିଲା ପାଦଟା ଭୁଲିଛି ବାଟଟା
    ପ୍ରେମିକ ଜୀବନ ପଡି ଫିକା,,।।
ଭଲପାଇବାରେ ଛଳନା ଜହରେ
     ଦେଇଗଲୁ ତୁ ଯେଉଁ ପାଉଣା,
ଆହାତ ହୃଦୟ ତାର ପରିଚୟ
     ଲହୁରେ ଲେଖିଲା "ପ୍ରତାରଣା",,

ଜିତେନ୍ଦ୍ର ସାହୁ
ମାଳ ତେନ୍ତୁଳିଆ, ପୋଲସରା, ଗଞ୍ଜାମ

Post a Comment

0 Comments