ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ପାଣିଛାଇ - ନରେଶ କୁମାର ବେହେରା

ପାଣିଛାଇ - ନରେଶ କୁମାର ବେହେରା

ଡେଇଁଡେଇଁ ଆସିଲା
ଘରଚଟିଆଟି
ଆଞ୍ଜୁଳାଏ ପାଣି ପାଖକୁ
ଯାହା ସଞ୍ଚିଥିଲା
ଏଇ ଟିକିଏ ବର୍ଷାପରେ
ରାସ୍ତାର ଖାଲୁଆ ମାଟିରେ...

ହେଲେ ପିଇବା ଆଗରୁ
ଦେଖିବାକୁ ଲାଗିଲା
ସେ ପାଣିଛାଇରେ
ନିଜକୁ
ଜୀବନର କିଛି
ବଞ୍ଚିଥିବା ଆଶାକୁ
ଯାହାଥିଲା ଅକଳ୍ପନୀୟ
ତା ପାଇଁ...

ତାର ଏଇ ବିବଶତାରେ
କିଏ ବି ସାଥି ନଥାନ୍ତି
ହେଲେ ବି ପୁଣି
କେଉଁଠୁ ଘୋଟିଆସିଲା
ସୂର୍ଯ୍ୟର ପ୍ରଚଣ୍ଡ ଖରା
ଯାହା ସେ ଜାଣିଥିଲା...
ହେଲେ ହଜିହଜି
ଯାଉଥିଲା ତାର ଶୋଷ
ଆଉ ସେ ପାଣିଛାଇ

ଜୀବନଟା ଠିକ୍ ଏଇ
ପାଣିଛାଇ ପରି
ଯାହା ସ୍ଥିର
ତାହା କ୍ଷଣସ୍ଥାୟୀ,
ଯାହା ଚିର
ତାହା ଅସ୍ଥିର 

0 Comments