Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ନିବେଦନ - ପ୍ରଫୁଲ୍ଲ ଚନ୍ଦ୍ର ମିଶ୍ର


ତୋ ବଡ଼ ଦାଣ୍ଡରେ ଭିକ ମାଗୁଥିବି
                   ମୋର ଭିକ ଝୁଲି ପୁରିବା ଯାଏଁ
ତୋ ନାମକୁ ଗାଇ ଗାଇ ବୁଲୁଥିବି
               ତୋଟି ପାଟି ମୋର ସୁଖିବା ଯାଏଁ
ତୋ ବଡ ଦାଣ୍ଡରେ…    ।। 

ତୋ ମହା ପ୍ରସାଦ ନିତି ଚାଖୁଥିବି
                ମୋ ମନର ଭୋକ ମରିବା ଯାଏଁ
ତୋ କଳା ବଦନ ନିତି ଦେଖୁଥିବି
                 ମୋ ଜୀବନ ଦୀପ ଲିଭିବା ଯାଏଁ
ତୋ ବଡ ଦାଣ୍ଡରେ…   ।।

ତୋ ନୀଳଚକ୍ର କୁ ଦେଖି ଦେଖି ଯେବେ
                  ଏ ପାପି ପିଣ୍ଡରୁ ପରାଣ ଯାଏ
ମାଟି ଘଟ ଗଡ଼ୁ ଶରଧାବାଲି ରେ
                   ସରଗ ଦୁଆରେ ଜଳିବା ଯାଏଁ
ତୋ ବଡ ଦାଣ୍ଡରେ…   ।।

କବି ଶ୍ରୀ ପ୍ରଫୁଲ୍ଲ ଚନ୍ଦ୍ର ମିଶ୍ର, ମଙ୍ଗଳାଯୋଡି, ଖୋର୍ଦ୍ଧା

Post a Comment

0 Comments