Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ମୃତ୍ୟୁଞ୍ଜୟୀ - ରମାକାନ୍ତ ମିଶ୍ର


ମୃତ୍ୟୁ ମରିବାର ପର୍ଯ୍ୟାୟବାଚୀ
ହେଲେ ମଧ୍ୟ,
ମୃତ୍ୟୁ ବଂଚିଛି ସବୁବେଳେ
ଜନ୍ମ ଠାରୁ ମୃତ୍ୟୁ ପର୍ଯ୍ୟନ୍ତ
ମୃତ୍ୟୁ ରହିଛି ସାଥିରେ ।

ଜୀବନ ମରୁଛି -
ଦିନ ପରେ ଦିନ,
ଜୀବନ କେବେହେଲେ
ବଂଚିବାର ପର୍ଯ୍ୟାୟବାଚୀ
ହୋଇ ନ ପାରେ ।

ଶତାବ୍ଦୀ ଧରି ଚାଲି ଆସିଛି
ଝଡ଼ ବିବାଦ ର
ଭାଷା, ପ୍ରାନ୍ତ, ଗୋଷ୍ଠୀ
ଆଉ ଧର୍ମ ର
ବିବାଦ ଘନୀଭୂତ ହୋଇ
ପ୍ରକାଶିତ ହେଉଛି -
ଆକ୍ରୋଶ ମଧ୍ୟେ ।

ଜୀବନ ମରୁଛି
ଦିନ ପରେ ଦିନ ...
କିନ୍ତୁ ମଲା ପରେ
ଦରକାର କ'ଣ ?
କେତେ ଧନ,
କେତେ ଦାନ,
କେତେ ଧର୍ମ,
କେତେ ପୁଣ୍ୟ !

ହାଏ !
ଏ କଥାକି ଜୀବନ୍ତ ମଣିଷ
ବୁଝି କେବେ ପାରେ ?
ମୃତ୍ୟୁ କୁ ସାଙ୍ଗରେ ଧରି
ଜୀବନର ଅବମାନନା କରେ ।

ମୃତ୍ୟୁ ସତ୍ୟ,
ଜୀବନ ମିଥ୍ୟା,
ମୃତ୍ୟୁ ଖେଳେ
ଜୀବନ ସହିତ,
ସେ ଖେଳରେ ଯେ
ବିଜୟୀ ହୁଏ
ସେ ହୁଏ ମୃତ୍ୟୁଞ୍ଜୟୀ ।

ରମାକାନ୍ତ ମିଶ୍ର 
ଭି.ଆଇ.ଏମ. - ୨୬୮, ଶୈଳଶ୍ରୀ ବିହାର 
ଭୂବନେଶ୍ୱର - ୭୫୧୦୨୧ 
ମୋବାଇଲ - ୯୯୩୭୨୬୮୦୧୨

Post a Comment

0 Comments