ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଜୀବନ ଗୀତିକା - ଚିଦାନନ୍ଦ ଦେହୁରୀ

ଜୀବନ ଗୀତିକା - ଚିଦାନନ୍ଦ ଦେହୁରୀ


ଏ ଜନମ ମୃତ୍ୟୁ ଅଟେ ଧ୍ରୁବ ସତ୍ୟ
       କା' ପାଶେ କାହିଁକି ଡରିବା ।
ଆସ ଜୀବନ ଦୁଆର ବନ୍ଧରେ ବସି
      ଜୀବନ ଗୀତିକା ଗାଇବା ॥
ପୂଣ୍ୟ ପବିତ୍ର ଏ ଜୀବନ ପୁଣି
     କ୍ଷଣସ୍ଥାୟୀ ଭାବେ ଜଣା ।
ବାଟରେ ନ ଯାଇ ଅବାଟେ ଯାଆନ୍ତି
  ସର୍ବେ ହ୍ୟୋନ୍ତି  ବାଟ ବଣା ॥
ସର୍ବେ ଆମ୍ଭେ ଜନ ଅମୃତ ସନ୍ତାନ
   ଅମୃତର ଚିରଧାରା ।
ଅମୃତର ବର୍ଷା  କରିବା ବର୍ଷଣ
    ସେ ପାଇଁ ଜନମ ପରା  ॥
ସବୁ ମିଶାମିଶି ହୋଇଛି ଏକାଠି
    ଗଢା ହୋଇଛି ଏ ସୃଷ୍ଟି ।
କାହିଁକି କେଜାଣି ବୁଝି ନ ପାରିଣ
   ଭିନ୍ନ ହୁଏ ଆମ ଦୃଷ୍ଟି ॥
ରାଗ ଅଭିମାନ ତେଜିଣ ସକଳ
      ନିଷ୍କାମ ସେବାକୁ ଅର୍ଜିବା ।
ସାତସୁରେ ବନ୍ଧା ଜୀବନ ଗୀତିକା
    ସୁଖେଦୁଃଖେ ସଦା ଗାଇବା ॥

ଶ୍ରୀଯୁକ୍ତ ଚିଦାନନ୍ଦ ଦେହୁରୀ, ସଂସ୍କୃତ  ଶିକ୍ଷକ
ଠାକୁରଗଡ଼ ଉଚ୍ଚ ବିଦ୍ୟାଳୟ, ଠାକୁରଗଡ଼, ଆଠମଲ୍ଲିକ, ଅନୁଗୋଳ 

1 Comments

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।