ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଜନମବେଦୀରେ ଜଗତ ଠାକୁର - ଗୋପୀନାଥ ସେଠୀ

ଜନମବେଦୀରେ ଜଗତ ଠାକୁର - ଗୋପୀନାଥ ସେଠୀ


ବାପାଙ୍କ ଜିଦି          ଜନମ ବେଦି
          ପରେ ଦେଖିବି ଦିଅଁ ।
କହିଲା ବୋଉ        ସତେକି ଆଉ
          ଦେଖିବା କଳା ମୁହଁ ।।

ସାଆନ୍ତ ପଣେ        ସାଆନ୍ତ ଜଣେ
          ମୋ ପୁରୀ ସରକାର ।
ଦାସ ପଣରେ         ଡାକିଲି ଥରେ
          ସୁଦୟା ପ୍ରଭୁ କର ।।

ଭକତ ବନ୍ଧୁ            କରୁଣା ସିନ୍ଧୁ
         ବୁଝିଲେ ଭକ୍ତ ମନ ।
ତିନି ଜଣଙ୍କୁ            ଶଙ୍ଖ କ୍ଷେତ୍ରକୁ
         ଡାକିଲେ ନାରାୟଣ ।।

ଲାଗିଲା ଡୋରି         ଆସିଲି ପୁରୀ
        ବାପା ବୋଉଙ୍କୁ ନେଇ ।
ଚକା ନୟନ            ଦେଲେ  ଦର୍ଶନ
        ସଙ୍ଗେ ଭଉଣୀ ଭାଇ ।।

ବୟସ ଅଶି            ଅଳପ ହସି
      କହିଲେ  ବାପା ଧିରେ ।
ଭାଗ୍ଯରେ ଥିଲା        ଦର୍ଶନ ହେଲା
       ଆଡପ ମଣ୍ଡପରେ ।।

ଏତିକି ଭାବ           ଥାଉ ମାଧବ
       ଜୀବନ ଯାତ୍ରା ପଥେ ।
ଅର୍ଜୁନ ସଖା           ଦେଉଥା ଦେଖା
       ଭାଇ ଭଉଣୀ ସାଥେ ।।
           
ଗୋପୀନାଥ ସେଠୀ
ବାଘମାରୀ, ଖୋର୍ଦ୍ଧା

0 Comments