Information

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ହେ ବାବା ସ୍ଵପ୍ନେଶ୍ଵର - ଜିତେନ୍ଦ୍ର ସାହୁ


ବାବା ଆଶୁତୋଷ ହୁଅ ପ୍ରଭୁ ତୋଷ
   ଭକତର ଡାକ ଶୁଣି,
ଭକତି ପୁଷ୍ପକୁ ଭକତ ବାଢିଛି
   ମନକଥା ତୁମ ଜାଣି,,।।
ବିରାଜିଛ ତୁମେ କ୍ଷେତ ମାଳ ମଧ୍ୟେ
  ସ୍ଵପ୍ନେଶ୍ଵର ବାବା ହୋଇ,
ତୁମରି କରୁଣା ଢାଳିଦିଅ ପ୍ରଭୁ
  ଗାଆଁର କଲ୍ୟାଣ ପାଇଁ,,।।
ଗୋଟି ଗୋଟି କରି ଶହେ ଆଠ ଭରି
   ଆଣିଛୁ ବେଲ ପତର,
ଅକୁହା ଦୁଃଖକୁ ଲେଖିଛୁ ତହିଁରେ
   ହେ ବାବା "ସ୍ଵପ୍ନେଶ୍ଵର" ।।
ଆଖିର ଲୁହରେ ଧୋଇ ଚଢାଉଛୁ
   ପ୍ରଭୁ ହେ ହୋଇବ ସାହା,
ତୁମରି କୃପାକୁ ଲଭିଲେ ସଭିଏଁ
   ହସିବ ଆମରି ଗାଆଁ,,।।

ଜିତେନ୍ଦ୍ର ସାହୁ
ମାଳ ତେନ୍ତୁଳିଆ, ପୋଲସରା, ଗଞ୍ଜାମ

Post a Comment

0 Comments