ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଏ ଜୀବନ କୁରୁକ୍ଷେତ୍ର ପରେ - ସିଦ୍ଧେଶ୍ଵର ତ୍ରିପାଠୀ

ଏ ଜୀବନ କୁରୁକ୍ଷେତ୍ର ପରେ - ସିଦ୍ଧେଶ୍ଵର ତ୍ରିପାଠୀ


କାହିଁକି ଏତେ ଅଙ୍କାବଙ୍କା
ଏ ଜୀବନର ବାଟ
ମହାଭାରତ ପରି
ଅନେକ ଭିନ୍ନ ଚରିତ୍ର
ମୋ ଆଖି ଆଗରେ ।

ପ୍ରତି ମୁହୂର୍ତ୍ତରେ ଦ୍ଵନ୍ଦ
 ଆଉ ଆତ୍ମବିଶ୍ୱାସ ର ଲଢେଇ
ଏଇ ମନ କୁରୁକ୍ଷେତ୍ରପରେ ।

ଚକ୍ରଧର ବିବେକ  ମୋହର
ବେଳେ ବେଳେ ନିର୍ଦେଶ ଦିଅନ୍ତି
କର୍ଣ୍ଣରୂପୀ କପଟିକୁ
ମାରିବାକୁ ଜୀବନ ଯୁଦ୍ଧରେ
 ଛଳନାର ଧନୁ ଆଉ
କପଟ ତୀରରେ ।

ଶେଷରେ କ'ଣ ପାଇଛି
 କ'ଣ ହରେଇଛି
ଅଛିଣ୍ଡା ଏ ଅଙ୍କ କସୁ କସୁ
ଦୁଇଆଖି ନଇଁ ଯାଏ
ଏ ଜୀବନ ଶୋଇଯାଏ
ନପାହିବା ରାତିର ବେଳାରେ
ବହଳ ସେ ଅନ୍ଧାର କୋଳରେ ।

ସିଦ୍ଧେଶ୍ଵର ତ୍ରିପାଠୀ
କୁଣ୍ଡିଲୋ, କେରଙ୍ଗ, ଖୋରଧା

0 Comments