ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଉଦ୍ଧାରିବେ ମହାମାୟୀ - ସନ୍ତୋଷ ପଟ୍ଟନାୟକ

ଉଦ୍ଧାରିବେ ମହାମାୟୀ - ସନ୍ତୋଷ ପଟ୍ଟନାୟକ


ନଭରେ ବାଦଲ ଶୁଭ୍ର ଖଣ୍ଡ ଖଣ୍ଡ
     ସରସୀରେ ନୀଳକଇଁ,
କାଶତଣ୍ଡୀ ଖେଳେ ଶୀତଳ ସମୀରେ
     ସ୍ୱାଗତ ଗୁଞ୍ଜନ କରି....

ଶରତ କାଳର ଶୋଭା ବଢିଗଲା
    ଆଗମନେ ଦଶଭୂଜା
ପୂଜା ମଣ୍ଡପରେ ବିଜେ ହେଲେ ମାଆ
     କାର୍ତ୍ୟାୟନୀ ଅଷ୍ଟଭୁଜା....

ଧରଣୀ କମ୍ପିଲା  ଶରତ ସନ୍ଧ୍ୟାରେ
   ମନ୍ତ୍ର ଓ ଭଜନ ଗାନେ
ସୁଶୋଭିତ ହେଲା ପୂଜାମଣ୍ଡପ'ଟି
   ନବରାତ୍ର ଆଗମନେ....
 
ଦୁର୍ଗତିନାଶିନୀ ସଙ୍କଟ ହାରିଣୀ
   ଦୁଃଖମନୋହରି ମାଆ
ଶୁଭଙ୍କରୀ ମାତା  ଢାଳିବେ ଆଶିଷ
    ବିପଦେ ହୋଇବେ ସାହା....

ଜନ୍ମ ଜନ୍ମାନ୍ତର ପାପଯିବ ଧୋଇ
   ମାଆଙ୍କ ଆଶିଷ ପାଇ
ହେବା ପଦାଶ୍ରିତ ଅଧମ ଯେତେକ
    ଉଦ୍ଧାରିବେ ମହାମାୟୀ....
ଆବଶ୍ୟକୀୟ ବିବରଣୀ ପ୍ରଦାନ କରନ୍ତୁ

ସନ୍ତୋଷ ପଟ୍ଟନାୟକ 
ବେଗୁନିଆପଡା ବ୍ଳକ୍, ତିରିଡା, ଗଞ୍ଜାମ 
ମୋବାଇଲ ନମ୍ବର - 8866359211

0 Comments