ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ତୁମକୁ ଝୁରେ ଏ ମନା - ସିଦ୍ଧେଶ୍ଵର ତ୍ରିପାଠୀ

ତୁମକୁ ଝୁରେ ଏ ମନା - ସିଦ୍ଧେଶ୍ଵର ତ୍ରିପାଠୀ

ତୁମ ପରିଚୟ ବଦଳି ଗଲେବି
ତୁମକୁ ଝୁରେ ଏ ମନ
ଚାଣକ୍ୟ ନୀତିର ଯେତେ ଉପଦେଶ
ମୋତେ ଲାଗେ ମୂଲ୍ୟହୀନ ।

ଶୋଷିଲା ହୋଇମୁଁ ତୁମ ପ୍ରତୀକ୍ଷାରେ
ଆଜିବି ବସିଛି ଏକା
ଏଇ ଶୋଷମୋର କେବେ ମେଣ୍ଟିବନି
ଜାଣେତୁମେ ମରୀଚିକା ।

ସବୁ ମିଛ ମାୟା ଜାଣିଲା ପରେବି
ଭାବୁଛି ଧରିବି ଜହ୍ନ
ତୁମ ପରିଚୟ ବଦଳି ଗଲେବି
ତୁମକୁ ଝୁରେ ଏ ମନ - - - - -

କାଲାମଙ୍କ ବାଣୀ ସ୍ୱାମୀଜୀ କାହାଣୀ
ଜାଣିବି ଅଜଣା ହୁଏ
ପାପ ପୁଣ୍ୟ ନିନ୍ଦା ଅପବାଦ ଭୁଲି
ତୁମକୁ ମୁଁ ଭଲପାଏ ।

ସ୍ମୁତି ପାଉଁଶରୁ ଆଜିବି ଖୋଜୁଛି
ଅତୀତର ମଧୁବନ
ତୁମ ପରିଚୟ ବଦଳି ଗଲେବି
ତୁମକୁ ଝୁରେଏ ମନ ।

ସିଦ୍ଧେଶ୍ବର ତ୍ରିପାଠୀ
କୁଣ୍ଡିଲୋ, କେରଙ୍ଗ, ଖୋରଧା

0 Comments