ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ତୋ ବିନା - ସନ୍ତୋଷ ପଟ୍ଟନାୟକ

ତୋ ବିନା - ସନ୍ତୋଷ ପଟ୍ଟନାୟକ


ଶାରଦୀ ଶରତେ ମାଆ ସିନା ହସେ
   ପାର୍ବଣ ସମ୍ଭାରେ ମଜ୍ଜି,
ତୋ'ବିନୁ ହଜିଛି ମୋ'ସୁଖ ସମ୍ଭାର
     ମନ ଆନମନା ଆଜି....

ଜୀବନ ଫସିଛି ଚକାଭଉଁରୀରେ
      ସଂଘର୍ଷ ହୋଇଛି ବ୍ରତ
ନିଦାଘେ ସିଜୁଛି ମନ ଯଉବନ
        ହୃଦୟଟା ଆନ୍ଦୋଳିତ....

ସଞ୍ଜ ଯେବେ ଆସି ବଖାଣଇ ବସି
         ଶରତର ହାବଭାବ
ଭିଜିଲା ନୟନେ ଦୃଶ୍ୟମାନ ହୁଏ
        ତୋର ସେଇ ସଜବାଜ....

ପୂଜା ମଣ୍ଡପରୁ ଶଙ୍ଖ ଧ୍ବନି ଶୁଭେ
     ଦୁର୍ଗା ଆବାହନୀ କରି
ଆନ୍ଦୋଳିତ ମନ ତୋ'ସୁଖ ମନାସେ
    ମାତା ପଦ ସ୍ମରି ସ୍ମରି....

ସନ୍ତୋଷ ପଟ୍ଟନାୟକ
ବେଗୁନିଆପଡା ବ୍ଳକ୍, ତିରିଡା, ଗଞ୍ଜାମ 

0 Comments