ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ରାବଣ ପୋଡି - ପ୍ରଶାନ୍ତ କୁମାର ନାଥ

ରାବଣ ପୋଡି - ପ୍ରଶାନ୍ତ କୁମାର ନାଥ


ରାବଣ ପୋଡି ହେଉଛି ଏଠି
ଦଶରା ଯେବେ ଆସେ
କେତେ ରାବଣ ଘୁରି ବୁଲନ୍ତି
ଆମରି ଏହି ଦେଶେ ।

କାଗଜେ କରି ପୋଡି ମାରିଲେ
ପାପ ହେବକି ଶେଷ
ମନରୁ ପୋଡି ଦେଲେସେ ଭାବ
ହେବ ପାପ ବିନାଶ ।

ରାବଣ ଠାରୁ ଆହୁରି ବେଶି
ଅଟନ୍ତି ଭୟଙ୍କର
ମନଟି ଯା'ର କାମନା ପୂର୍ଣ୍ଣ
ଖୋଜେ ନାରୀ ଶରୀର ।

ରାସ୍ତା ଘାଟରେ ବୁଲନ୍ତି ଆଜି
ରାକ୍ଷସ କାହିଁ କେତେ
ଯାହାଙ୍କ ମନ ପାପରେ ପୂର୍ଣ୍ଣ
ନୀଚ ଭାବନା ଯେତେ ।

ପାପର ଭାର ବଢ଼ି ଚାଲିଛି
ସେହି ମାନଙ୍କ ପାଇଁ
ରାବଣ ପୋଡି କରିଲେ ଯେତେ
ଦୁଃଖ ହଟିବ ନାହିଁ ।

ମନରୁ ଥରେ ପୋଡି ଦିଅନ୍ତୁ
ପାପ ଭାବନା ଯେତେ
ପାଖରେ ଆସି ବସା ବାନ୍ଧିବ
ହସ ଖୁସି ଯେ କେତେ ।

ପ୍ରଶାନ୍ତ କୁମାର ନାଥ
ସୁନ୍ଦରପୁର, ପ୍ରୀତିପୁର, ଯାଜପୁର

0 Comments