Information

"ସ୍ଵାଗତିକା" ସାହିତ୍ୟ ପତ୍ରିକା ନିମନ୍ତେ ଇ-ମେଲ, ହ୍ଵାଟସଆପ ଓ ଡାକ ମାଧ୍ୟମରେ କବିତା ପଠାନ୍ତୁ । କବିତା ପଠାଇବାର ଶେଷ ତାରିଖ ୩୦/୧୧/୨୦୧୮ ଏବଂ କବିତାର ପରିଧି ୧୬ ରୁ ୨୦ ଧାଡି ମଧ୍ୟରେ ରହିବା ଆବଶ୍ୟକ । Email - swagatika.nishikanta@gmail.com / WhatsApp - 8018646704 / By Post - The Chief Editor, Swagatika, At - Lokipur, PO - Gadamanatir, Dist - Khordha, Pin-752062, Odisha.

ରାବଣ ପୋଡି - ପ୍ରଶାନ୍ତ କୁମାର ନାଥ


ରାବଣ ପୋଡି ହେଉଛି ଏଠି
ଦଶରା ଯେବେ ଆସେ
କେତେ ରାବଣ ଘୁରି ବୁଲନ୍ତି
ଆମରି ଏହି ଦେଶେ ।

କାଗଜେ କରି ପୋଡି ମାରିଲେ
ପାପ ହେବକି ଶେଷ
ମନରୁ ପୋଡି ଦେଲେସେ ଭାବ
ହେବ ପାପ ବିନାଶ ।

ରାବଣ ଠାରୁ ଆହୁରି ବେଶି
ଅଟନ୍ତି ଭୟଙ୍କର
ମନଟି ଯା'ର କାମନା ପୂର୍ଣ୍ଣ
ଖୋଜେ ନାରୀ ଶରୀର ।

ରାସ୍ତା ଘାଟରେ ବୁଲନ୍ତି ଆଜି
ରାକ୍ଷସ କାହିଁ କେତେ
ଯାହାଙ୍କ ମନ ପାପରେ ପୂର୍ଣ୍ଣ
ନୀଚ ଭାବନା ଯେତେ ।

ପାପର ଭାର ବଢ଼ି ଚାଲିଛି
ସେହି ମାନଙ୍କ ପାଇଁ
ରାବଣ ପୋଡି କରିଲେ ଯେତେ
ଦୁଃଖ ହଟିବ ନାହିଁ ।

ମନରୁ ଥରେ ପୋଡି ଦିଅନ୍ତୁ
ପାପ ଭାବନା ଯେତେ
ପାଖରେ ଆସି ବସା ବାନ୍ଧିବ
ହସ ଖୁସି ଯେ କେତେ ।

ପ୍ରଶାନ୍ତ କୁମାର ନାଥ
ସୁନ୍ଦରପୁର, ପ୍ରୀତିପୁର, ଯାଜପୁର

Post a Comment

0 Comments