Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ପରକୀୟା ପ୍ରିତୀ - ସଦାନନ୍ଦ ସାହୁ


ପ୍ରେମରେ କଳଙ୍କ ନଲାଗୁ ହେ ମିତ
ପ୍ରଥା ପରମ୍ପରା ବିତ୍ତ ;
ପବିତ୍ର ଭାରତେ ସଂସ୍କୃତିର ଛାପେ
ଶୁଦ୍ଧ ଅର୍ଦ୍ଧାଙ୍ଗିନୀ ଚିତ୍ତ !!

ପାଶ୍ଚତ୍ୟ ସଂସ୍କୃତି ନୁହେଁ ଆମ ନୀତି
ହେ'ସର୍ବୋଚ୍ଚ ଅଦାଲତ ;
ତୁମ୍ଭରି ଘୋଷଣା କରେ ଆନ ମନା
ବଦଳାଇ ଦିଅ ମତ !!

ପ୍ରଥା ପରମ୍ପରା ସଂସ୍କୃତି ନିଆରା
ପବିତ୍ର ଏମାଟି ମାଆ ;
କୁଳବଧୂ ଏଠି ଜାଳେ ସଞ୍ଜବତୀ
ପାପ ପ୍ରେମେ ନାହିଁ ନାଁଆ !!

ପତିବ୍ରତା ନାରୀ ବ୍ରତଉପଚାରି
ମଙ୍ଗଳ ବିଧାନ କରେ ;
ପରକୀୟା ପ୍ରିତୀ ମରୀଚିକାଛବି
ନଥାଏ ତା'ଭାବନାରେ !!

ପବିତ୍ର ପ୍ରେମରେ ନଲାଗୁ କଳଙ୍କ
ତୁମ ରାୟ ଅନୁସାରେ ;
ଆହେ ନ୍ୟାୟମୂର୍ତ୍ତୀ ଭାବିଲ କେମିତି
ପତ୍ନୀ ଧର୍ମ ବିପକ୍ଷରେ !!

ସଂସାର ର ଛବି ଦେଖ ଆଖି ବୁଜି
କୁଳବଧୂ ଅଛି ଘରେ ;
କୁଳର ଚନ୍ଦ୍ରମା' ନାହିଁ ପାପ ଚିନ୍ତା
ହସି ଦିଏ ସରାଗରେ !!

ସମାନତା ଆଳ ନୁହଁଇ ପ୍ରଜୁଜ୍ଯ
ଶାରୀରିକ ସମ୍ବନ୍ଧରେ ;
ନାରୀ ଘରମଣି ନୁହେଁ କଳଙ୍କିନୀ
କାମନା ବାସନା ଦ୍ୱାରେ !!

ଦିଅ ସ୍ୱାଧୀନତା ଦିଅ ସମାନତା
ନାହିଁ ଅଭିଯୋଗ କିଛି ;
ପରପୁରୁଷଟା ନହେଉ ତା'ସାଥୀ
ତୁଣ୍ଡରେ ବସିବ ମାଛି !!

ପରକୀୟା ପ୍ରିତୀ ସତେ ପାପ ପେଡ଼ି
ନାରୀର ବିଷମ ଗତି ;
ସବୁ ନାରୀ ନୁହେଁ ପାପ ଦ୍ୱାରଦେଶେ
ଖୋଜିବେ ପୀରତି ସାଥୀ !!

କାମନା ଵାସନା ହେଲେ ହଉ ଊଣା
କରିବନି ପ୍ରେମ ବଧୂ ;
ନ୍ୟାୟଳୟ ରାୟ ହେବନି ବିଜୟ
କହୁଛି ଭାରତୀ ବିନ୍ଦୁ !!

ସଦାନନ୍ଦ ସାହୁ,
ଧୁରୁଷୀଆ, ଆଠଗଡ, କଟକ

Post a Comment

0 Comments