ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ନିର୍ମାଲ୍ୟ ପରଶେ ହାତେ - ଶରତ ଚନ୍ଦ୍ର ଜାଲି

ନିର୍ମାଲ୍ୟ ପରଶେ ହାତେ - ଶରତ ଚନ୍ଦ୍ର ଜାଲି


ନୀଳଚକ୍ର ନେତ ଉଡେ ଫରଫର
ନୀଳାଦ୍ରି ଠାକୁରଙ୍କର
ନିଶିଦିବସ ସେ ଡାକୁଛି ଭକ୍ତକୁ
ନିଜପର ନାହିଁ ତାର ॥

ନିତ୍ୟକର୍ମ ସାରି ପତିତପାବନ
ନିରେଖିଲି ବେନି ଡୋଳେ
ନିଶ୍ୱାସପ୍ରଶ୍ୱାସ ରୁଧକଲି ହୃଦେ
ନିତ୍ୟାନନ୍ଦ ପ୍ରେମ ଭୋଳେ ॥

ନିତ୍ୟ ଅବ୍ୟୟଙ୍କୁ ଉର୍ଦ୍ଦ୍ୱବାହୁକରି
ନିମଗ୍ନ ତା ଦିବ୍ୟନାମେ
ନିବିଡଭକ୍ତିରେ ନିବେଦନ କଲି
ନିରାକାର ଦିବ୍ୟଧାମେ ॥

ନିର୍ଣ୍ଣୟ କଲି ମୁଁ ନିର୍ଗୁଣ ପରମ
ନିରାଧାର ପୂର୍ଣ୍ଣବ୍ରହ୍ମ
ନିର୍ବାଣ ପ୍ରଦାନେ ରତ୍ନସିଂହାସନେ
ନିଶ୍ଚଳ ସେ ଦାରୁବ୍ରହ୍ମ ॥

ନିଶ୍ଚୟ ନିଷ୍ପାପ କରିବେ ନିର୍ମଳ
ନିଃସ୍ୱ ହୃଦୟକୁ ମୋର
ନିସ୍ତାରନାହିଁ ମୋ ପରି ପତିତର
ନିରଞ୍ଜନ ବାରେ ଧର ॥

ନିମିତ୍ତମାତ୍ର ମୁଁ ଭବେ ନିରୁପାୟ
ନୀଳାଞ୍ଚଳଧାମ ଲୀଳା
ନିଦର୍ଶନ କଲି ନିରୁପାଧିକୃପା
ନିକଟେ ଲାଗିଲା ଭେଳା ॥

ନିଶାଣକୁ ଚାହେଁ ନିତିପ୍ରତି ଯେବେ
ନିକୁଞ୍ଜବିହାରୀ ସତେ
ନିଜଞ୍ଜାଳି କରି ନିଖିଳସଂସାରେ
ନିର୍ମାଲ୍ୟ ପରଶେ ହାତେ ॥

ଶରତ ଚନ୍ଦ୍ର ଜାଲି, ପଥରା, ଖଲିକୋଟ

0 Comments