ମଲା ମନ ଅଧୁରା ସପନ - ସିଦ୍ଧେଶ୍ବର ତ୍ରିପାଠୀ

ମଲା ମନ ଅଧୁରା ସପନ - ସିଦ୍ଧେଶ୍ବର ତ୍ରିପାଠୀ


ସଞ୍ଜ ନଇଁ ନଇଁ ଆସୁଥିଲା ବେଳେ
ବସିଥିଲି ଅଗଣାରେ
ଉଡି ଯାଉଥିଲା ସୁନ୍ଦର ବିମାନ
ଦେଖିଲି ମୁଁ ଆକାଶରେ ।

ଆଖିରୁ ଝରିଲା ଝର ଝର ଲୁହ
ଛାତିରେ ଭରିଲା କୋହ
ମୋ ଗାଁ ଆକାଶେ ତୁମେ ବାର ବାର
ଯାଇଥିବତ ନିଶ୍ଚୟ ।

ତୁମେ ଭୁଲିଲଣି କେବେଠାରୁ ମୋତେ
ମୁଁ ତୁମକୁ ନିତି ଝୁରେ
ସଞ୍ଜ ନଇଁ ନଇଁ ଆସୁଥିଲା ବେଳେ
ବସିଥିଲି ଅଗଣାରେ - - - -

ତୁମ ନିକଟରେ ବସିଥିବେ ନିଶ୍ଚେ
ବିରଳ ରାଜ କୁମାର
ତାଙ୍କ ସାଥେ ବୁଲି ଅଜନ୍ତା ଏଲୋରା
ଫେରୁଥିବା ତୁମେ ଘର ।

ବାଙ୍କୀ ବରୁଣେଇ ଅଟ୍ରି ଉଗ୍ରତାରା
ରହିଗଲା ସପନରେ
ସଞ୍ଜ ନଇଁ ନଇଁ ଆସୁଥିଲା ବେଳେ
ବସିଥିଲି ଅଗଣାରେ - - - -

ସିଦ୍ଧେଶ୍ବର ତ୍ରିପାଠୀ

0 Comments