ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ମଲା ମନ ଅଧୁରା ସପନ - ସିଦ୍ଧେଶ୍ବର ତ୍ରିପାଠୀ

ମଲା ମନ ଅଧୁରା ସପନ - ସିଦ୍ଧେଶ୍ବର ତ୍ରିପାଠୀ


ସଞ୍ଜ ନଇଁ ନଇଁ ଆସୁଥିଲା ବେଳେ
ବସିଥିଲି ଅଗଣାରେ
ଉଡି ଯାଉଥିଲା ସୁନ୍ଦର ବିମାନ
ଦେଖିଲି ମୁଁ ଆକାଶରେ ।

ଆଖିରୁ ଝରିଲା ଝର ଝର ଲୁହ
ଛାତିରେ ଭରିଲା କୋହ
ମୋ ଗାଁ ଆକାଶେ ତୁମେ ବାର ବାର
ଯାଇଥିବତ ନିଶ୍ଚୟ ।

ତୁମେ ଭୁଲିଲଣି କେବେଠାରୁ ମୋତେ
ମୁଁ ତୁମକୁ ନିତି ଝୁରେ
ସଞ୍ଜ ନଇଁ ନଇଁ ଆସୁଥିଲା ବେଳେ
ବସିଥିଲି ଅଗଣାରେ - - - -

ତୁମ ନିକଟରେ ବସିଥିବେ ନିଶ୍ଚେ
ବିରଳ ରାଜ କୁମାର
ତାଙ୍କ ସାଥେ ବୁଲି ଅଜନ୍ତା ଏଲୋରା
ଫେରୁଥିବା ତୁମେ ଘର ।

ବାଙ୍କୀ ବରୁଣେଇ ଅଟ୍ରି ଉଗ୍ରତାରା
ରହିଗଲା ସପନରେ
ସଞ୍ଜ ନଇଁ ନଇଁ ଆସୁଥିଲା ବେଳେ
ବସିଥିଲି ଅଗଣାରେ - - - -

ସିଦ୍ଧେଶ୍ବର ତ୍ରିପାଠୀ

0 Comments