Information

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ଇଚ୍ଛାମୟ ହେ - ରମେଶ ଚନ୍ଦ୍ର ମିଶ୍ର



ଇଚ୍ଛାମୟ ହେ ! ଇହଲୋକେ ତୁମେ ସାର
ଇଙ୍ଗିତରେ ତୁମ ଚାଲେ ଏ ସଂସାର
ଇଷ୍ଟ ମୋର ଜୀବନର । (୦)

ଇନ୍ଦ୍ରିୟ ନିଗ୍ରହ କରନ୍ତି ଅଥୟ
ଇନ୍ଦ୍ରଜାଲ ଘୋଟିଅଛି
ଇୟତ୍ତା ହରାଏ ଏ ମିଛ ସଂସାରେ
ଇଷ୍ଟମନ୍ତ୍ର ଭୁଲିଅଛି
ଇନ୍ଦିରାରମଣ ଆରତନାଶନ !
ଇହଜନ୍ମୁ କର ପାର ।
ଇଚ୍ଛାମୟ ହେ ! .......(୧)

ଇସାରାରେ ତୁମ ଚାଲେ ଏ ସଂସାର
ଇହକାଳ ପରକାଳ
ଇଷ୍ଟଦେବ ରୂପେ ବସ ମୋ ହୃଦରେ
ଇତିପୂର୍ବୁ ଜୀବନର
ଇଚ୍ଛଇ ମୁଁ ହେବି ଚରଣ କିଙ୍କର
ଇତର ମନେନକର ।
ଇଚ୍ଛାମୟ ହେ ! ........(୨)

ରମେଶ ଚନ୍ଦ୍ର ମିଶ୍ର, 
ସମ୍ପାଦକ, ତ୍ରିଧାରା ସାହିତ୍ୟ ସଂସଦ, ବଇଣ୍ଡା, ଅନୁଗୋଳ
ସମ୍ପର୍କ-୯୪୩୮୪୮୧୧୩୬

Post a Comment

0 Comments