ହସ - ମାନସ ରଞ୍ଜନ ପଟ୍ଟନାୟକ

ହସ - ମାନସ ରଞ୍ଜନ ପଟ୍ଟନାୟକ


ହସୁଅଛି ଦେଖ ହସୁକୁରି ଝିଅ ହସ ତା ଭାରି ସୁନ୍ଦର,
ଅଙ୍କେଇ ବଙ୍କେଇ ପାଦ ପକାଇଲେ ରୁଣୁଝୁଣୁ ତା ନୂପୁର ।

ହସିଦେଲେ ପରା କେଶରାଶି ତାର ଉଡୁଅଛି ଫର ଫର,
ମୁରୁକା ହସଟେ ଯେବେ ହସିଦିଏ ଫୁଲରେ ବସେ ଭଁଅର ।

କୁଆଁରୀ କାଳରେ ଖିଲିଖିଲି ହସେ ସତେ ଗଜମୋତି ହାର,
ସୁନେଲି ଚେହେରା ଗୋଲାପି ଓଠରେ ହସିଲେ ଲାଗେ ସୁନ୍ଦର ।

ମୁରୁକା ହସଟେ ଯେବେ ହସିଦିଏ ଝରିପଡେ ଫୁଲ ହାର,
ହସିହସୁଥିବ ହସରେ ହସରେ ପୁରିଉଠୁ ତାର ଘର ।

ମାନସ ରଞ୍ଜନ ପଟ୍ଟନାୟକ
ନିମବସନ୍ତ, ହରିରାଜପୁର, ଜଟଣୀ, ପୁରୀ 

0 Comments