Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ଦୁଷ୍ଟଙ୍କୁ କର ବିଧ୍ଵସ୍ତ - ସନ୍ତୋଷ ପଟ୍ଟନାୟକ


ଶରତେ ଶାରଦ ଦିଏ ଅବସାଦ
   ନୀତି ଅନୀତିର ଭେଦ
ବୁଝି ବି ଅବୁଝା ମଣିଷ ମନାସେ
    ଘୁଞ୍ଚିଯାଉ ପରମାଦ....

ଦେବ ମନ୍ଦିରରେ ଦେବନୀତି ନାହିଁ
    ନାରୀସାଥେ ସୁରାପାନ
ସର୍ବେ ଭ୍ରଷ୍ଟାଚାରି ଅତି ଅହଙ୍କାରି
   ହୃଦୟ ହୁଏ ଦହନ....

ବିଚାର ବିମର୍ଶ ପଥ ଭୁଲିଲାଣି
    ବିଚାରକ ଏଠି ଦୋଷୀ
ବିଦେଶୀ ସଂସ୍କୃତି ବାସେ ମଲ୍ଲୀ ଭଳି
   ଆପଣା ସଂସ୍କୃତି ବାସି....
   
ଜୀବନ ଯନ୍ତ୍ରଣା ଅସହ୍ୟ ହେଲାଣି
   ବିବେକ ହେଲାଣି ସୁପ୍ତ
ଆହେ ଯୋଗମାୟା ହୁଅ ଆବିର୍ଭାବ
    ଆତୁରେ ତୁମରି ଭକ୍ତ....

ଅବତରୀ ଆସ କାଳରାତ୍ରି ବେଶେ
   ଧରି ବାତ୍ଯା ରୂପି ଅସ୍ତ୍ର
ଦୁଷ୍ଟ ବିନାଶିନୀ ଅଭୟ ଦାୟିନୀ
    ଦୁଷ୍ଟଙ୍କୁ କର ବିଧ୍ବସ୍ତ....

ସନ୍ତୋଷ ପଟ୍ଟନାୟକ,
ବେଗୁନିଆପଡାବ୍ଳକ୍, ତିରିଡା, ଗଞ୍ଜାମ 

Post a Comment

0 Comments