Information

"ସ୍ଵାଗତିକା" ସାହିତ୍ୟ ପତ୍ରିକା ନିମନ୍ତେ ଇ-ମେଲ, ହ୍ଵାଟସଆପ ଓ ଡାକ ମାଧ୍ୟମରେ କବିତା ପଠାନ୍ତୁ । କବିତା ପଠାଇବାର ଶେଷ ତାରିଖ ୩୦/୧୧/୨୦୧୮ ଏବଂ କବିତାର ପରିଧି ୧୬ ରୁ ୨୦ ଧାଡି ମଧ୍ୟରେ ରହିବା ଆବଶ୍ୟକ । Email - swagatika.nishikanta@gmail.com / WhatsApp - 8018646704 / By Post - The Chief Editor, Swagatika, At - Lokipur, PO - Gadamanatir, Dist - Khordha, Pin-752062, Odisha.

ଦୁର୍ଗତିନାଶିନୀ - ଶ୍ରୀମତୀ ଜ୍ୟୋତ୍ସ୍ନା ପୃଷ୍ଟି


ମାଆ ବିଶ୍ଵେଶ୍ଵରୀ ଭୁବନ ମୋହିନୀ ,
ଜଗଦମ୍ବା ମହାମାୟା ।
ପ୍ରଜ୍ଞା ଜ୍ଞାନେଶ୍ଵରୀ ତ୍ରିପୁରା ନନ୍ଦିନୀ ,
ଆଦିଶକ୍ତି ପୁଣ୍ୟତୋୟା ।।୧॥

ମହାକାଳେଶ୍ଵରୀ ଦୈତ୍ୟ ବିନାଶିନୀ ,
ବ୍ରହ୍ମାଣୀ ରୁଦ୍ର।ଣୀ ସତୀ ।
ମହାଯୋଗେଶ୍ଵରୀ ସୋୟଂ କାତାୟନୀ ,
ସୃଷ୍ଟି ସଂଚାରିଣୀ ଜ୍ୟୋତି ।।୨॥

ସୌଭାଗ୍ୟକାରିଣୀ ଦିବ୍ୟ ଆବାହନୀ ,
ମଙ୍ଗଳ ଧାରିଣୀ ଛାୟା ।
ବିଦ୍ୟା ସ୍ଵରୂପିଣୀ ସଂଯୋଗେ ଯୋଗିନୀ ,
ମହାଦେବୀ ମହାକାୟା ।।୩॥

ଅଜ୍ଞାନ ହାରିଣୀ ରଶ୍ମୀ  ପ୍ରଦାୟନୀ ,
ସର୍ବମାନ୍ୟେ ଅବସ୍ଥିତି ।
ହେ ବ୍ରହ୍ମଚାରିଣୀ ଆତ୍ମପ୍ରକାଶିନୀ ,
ମହାଦୁର୍ଗା ମାହେସ୍ମତି ।।୪॥

ପୂଣ୍ୟନିର୍ଝରିଣୀ ଜଗତ ଜନନୀ ,
କଳ୍ପକଳା ପୁଷ୍ପେ ଦୟା ।
ଏ ଅଧମ ଋଣୀ ସମୟ ସହିତ ,
ଲିପିଶାଳେ ସୁନିର୍ଭୟା ।।୫॥

ଅଖଣ୍ଡ ମଣ୍ଡଳେ ହେ ସିଂହବାହିନୀ ,
କୋଟିସୂର୍ଯ୍ୟ ଆଭାସ୍ମତି ।
ଏ ଛାର ଭୁବନେ ଅବୋଧ ଅଜ୍ଞାନୀ ,
ଲେଖନୀ ପଦ୍ମରୁ ସ୍ତୁତି ।।୬॥

ଶ୍ରୀମତୀ ଜ୍ୟୋତ୍ସ୍ନା ପୃଷ୍ଟି,
ସୌଭାଗ୍ୟ ନଗର, ଭୁବନେଶ୍ଵର

Post a Comment

0 Comments