Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ଦଦରା ଇତିହାସ - ପ୍ରଶାନ୍ତ କୁମାର ସାହୁ


ଦେଖି ତୋର ଦର କଞ୍ଚା ସତ୍ୟର ସନ୍ଧାନ
ମିଥ୍ୟାର ଚାଦର ଘୋଡ଼େଇ
ନାଲି ଛକରୁ ଖଟିଖିଆର
ଜିନ୍ଦାବାଦ ଭିତରେ ଶୁଣେ ଯେବେ
ମଜୁରା ହିସାବର ଇଙ୍ଗିତ
ପଦାହତ ମନ ଆଇନାରେ
ନାମଟିଏ ନେଇ ଖୋଳତାଡ଼ କରେ
ବିବର୍ଣ୍ଣ ଦେହରେ ନୂତନତାର ସଉକ ।
ତୁ ଉଠିବୁ ଆଉଥରେ ଶୋଇବାକୁ
ଅନେକ ରଙ୍ଗର ତକ୍ତପୋସ ଧରି
ମଇଳା ପାଦରେ ଲେଖିଦେବୁ
ନିୟତିର ଦୁର୍ବାର ପରିଭାଷା
ବୁଝିବେନି କେହି
ଆଙ୍କୁଥିବୁ ଏକାଏକା
ପ୍ରଭାସ କ୍ଷେତ୍ରର ବୈଚିତ୍ର
ପାଇବୁନି ବିନ୍ଦୁଟିଏ ନିଜ ପାଇଁ
ଲୋଟିଯିବୁ ଅସହାୟେ
ଲଟାର ଆଶ୍ରୟେ ।
ଆଲୁଅର ଛିଟା ମାରିବୁ ପାଣି ଟିକେ ଢ଼ାଳି
ତୋ ଇତିହାସକୁ ଲୁଚେଇ
ଅବୁଝା ରହିଯିବୁ
ଅନନ୍ତର ଦୂରତାକୁ ମାପି
କାଳେ କେହି ପାରିବେନି ଲଘିଂ !
ଘାଇଲା ହୋଇଯେବେ
କରାଳ ତୁଛତାରେ ବିଦାରିତ ହେବୁ
ଦୃଷ୍ଟ ହେବ ପାପ ଚଉହଦି
ମଶାଣିର ଖୋଲା କବାଟରେ ।
ତଥାପି ରହିଯିବ କିଛି ଅବ୍ୟକ୍ତ
ମରମକୁ ଚିରି
ଖାସ୍ ତୋରି ପାଇଁ
ମରିଥିଲା ଜଣେ
ଅନ୍ୟର କାରଣେ
ଲେଖା ନାହିଁ ଶାସ୍ତ୍ରର କୋଣେ ଅନୁକୋଣେ ।

ପ୍ରଶାନ୍ତ କୁମାର ସାହୁ
ଛତ୍ରଗଡ଼, ଖୋର୍ଦ୍ଧା

Post a Comment

0 Comments