ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଚମ୍ପୁ - ଧ୍ରୁବ ଚରଣ ବେହେରା

ଚମ୍ପୁ - ଧ୍ରୁବ ଚରଣ ବେହେରା


(କେତେ ଛନ୍ଦ ଜାଣେଲୋ ସଖୀ ବୃତ୍ତେ )ଛାନ୍ଦ )

ଆସ ସଖୀ ଆସଲୋ ଯିବା
ସେ କାଳିଆ କାହ୍ନୁ କୁ ଦେଖି ଆସିବା
ଆସ ସଖି ଆସଲୋ ଯିବା ।।ଘୋଷା ।।

ଯମୁନା କୂଳରେ କଦମ୍ବ ମୂଳରେ
ଦେଖିକରି ମନ କଥା କହିବା ।୧।

ତା ବଂଇଶୀ ସ୍ଵର ସୁଣିବା ସକଳେ
ଆତ୍ମା କୁ ଆମର ତୋଷ କରିବା ।୨।

ନଟିଆ ନାଗର ସେହି ଦଧି ଚୋର
ଫୁଲ ମାଳ ଦେଇ ତାଙ୍କୁ ବରିବା ।୩।

ପୁତନା କୁ ମାରି ଗୋରୁବଛା ହରି
କାହାଣୀ ତାଙ୍କର ଆମେ ଶୁଣିବା ।୪

ବଡ ଅଝଟିଆ ଘର ଭଙ୍ଗା କାହ୍ନୁ
ଭକତିରେ ଆମେ ତାଙ୍କୁ ବାନ୍ଧିବା ।୫।

ନନ୍ଦର ନନ୍ଦନ ଯଶୋଦାର ଧନ
ସ୍ଵାମୀ ରୂପେ ଆମେ ତାଙ୍କୁ ପାଇବା ।୬।

ଧ୍ରୁବ ଚରଣ ବେହେରା
ଅଠରବାଟିଆ, ବାଲୁଗାଁ, ଖୋରଧା

0 Comments