ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ବିଶ୍ଵ ପାଳକ - ଘନଶ୍ୟାମ ସାହୁ

ବିଶ୍ଵ ପାଳକ - ଘନଶ୍ୟାମ ସାହୁ


ବିଶ୍ଵ ପାଳକ ହେ.........
ଶୁଭୁନାହିଁ କି ମୋ ଡ଼ାକ
ବିପରୀତ କିମ୍ପା ହେଲ ମହାବାହୁ
କନ୍ଦାଉଛ ମୋତେ କାଳଯାକ । ।୦।
ବୋଝ ଦେଇଅଛ ସମ୍ଭାଳିବି ବୋଲି
ସଂସାରରେ ପରିବାରେ ରହି
ବାଧୁଛି ଜଞ୍ଜାଳ ସାହୁଙ୍କର ଗୋଳ
ହେଉନାହିଁ ଆଉ ଜମା ସହି
ବେଳେ ବେଳେ ହୁଏ ଅଣନିଃଶ୍ବାସୀ ମୁଁ
ସନ୍ତାପିତ ପ୍ରାଣ ଦକଦକ ।।୧।
ବଡ଼ ଦିଅଁ ତୁମେ ଆହେ ବିଶ୍ଵପତି
ଭରସା ଅଛି ମୋ ଶ୍ରୀଚରଣେ
ବିଧିର ବିଧାନ ପୂର୍ବଜନ୍ମ ଫଳ
ଭୋଗୁଅଛି ଭାବିନିଏ ମନେ
ବୁଝାଇ ଥାଏ ମୁଁ ନିଜେ ହିଁ ନିଜକୁ
ତୁମେ ତ ମୋ ଶରଣ ରକ୍ଷକ ।।୨।
ବନ୍ଦନା ଘେନ ହେ ଶ୍ରୀ ମଧୁସୂଦନ
ଯେତେ ଦୁଃଖ ଦିଅ ନାହିଁ ମନା
ବିଶ୍ୱାସ ମୋହର ଦେବନି ତୁଟାଇ
ନିନ୍ଦା ହେବ ତୁମ ବଡ଼ ବାନା
ବାରଣ ନକର ବାରେ ଦୟା କର
ଜୀବ ଯିବ ଦେଖି ତୋ ଶ୍ରୀ ମୁଖ ।।୩।

ଘନଶ୍ୟାମ ସାହୁ
ଯୁଗ୍ମ ସମ୍ପାଦକ--ତ୍ରିଧାରା ସାହିତ୍ୟ ସଂସଦ, ବଇଣ୍ଡ।,
ପୋ:ଅ:  କିଶୋର ଗଞ୍ଜ ,ଜିଲ୍ଲା-ଅନୁଗୋଳ,
ମୋବାଇଲ ନମ୍ବର -- ୯୪୩୭୬୬୪୫୩୭,
ପିନ୍ କୋଡ -- ୭୫୯୧୨୭

0 Comments