ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଭିଜାସ୍ବପ୍ନ - ପବିତ୍ର କୁମାର ନାୟକ

ଭିଜାସ୍ବପ୍ନ - ପବିତ୍ର କୁମାର ନାୟକ


ଦୂର ଆକାଶର ଟିକି ତାରା ଫୁଲ
     ଜୋଛନାରେ ଭିଜା ଜହ୍ନ
ଅଳସ ଆଖିରେ  ସପନର ଭିଡ଼
      ଉଦାସୀ ଉଦାସୀ ମନ....

ନାହିଁ ଆଉ ସେହି ସାଙ୍ଗ, ସାଥୀ କେହି
          ସ୍ମୃତିରେ ଜଳୁଛି ରାତି
ମନ ଅଗଣାରେ ପୀରତିର ଝଡ଼
          ଲୁହରେ ଭିଜୁଛି ଆଖି....

ଉଭେଇ ଯାଇଛି    କୁହୁଡ଼ିର ଧୂଆଁ
         ମଉଳି ଯାଇଛି ଆଶା
ପଦୁଅଁ ପତରେ ଢଳ ଢଳ ବାରି
          ତଥାପି ଜୀଇଁବା ନିଶା...
       
ନୀରବ ନିଶିରେ ସରସୀର କୂଳେ
      ଚାନ୍ଦିନୀରେ ଭିଜା ଦେହ
ଆଖି ପଲକରେ ହଜାରେ ସପନ
       ହୃଦୟେ ଅସରା କୋହ...

ସାଉଁଟୁଛି ବସି     କି ଦିବା କି ନିଶି
        ଖୋଜୁଛି ହଜିଲା ଦିନ
ଗୋଟି ଗୋଟି ସେଇ ସ୍ମୃତିର ପରସ୍ତେ 
        ଦହନ ଆଜି ଏ ମନ...

ପବିତ୍ର କୁମାର ନାୟକ
କେଲୁଆପଲ୍ଲୀ, ଗଞ୍ଜାମ

0 Comments