ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଅଣୁଗଳ୍ପ - ବଞ୍ଚିବାର ରାହା - ରାଧାମୋହନ ପାଣିଗ୍ରାହୀ

ଅଣୁଗଳ୍ପ - ବଞ୍ଚିବାର ରାହା - ରାଧାମୋହନ ପାଣିଗ୍ରାହୀ


କୁଞ୍ଚିତ ଚର୍ମ, ପିଙ୍ଗଳା ହାଡ଼, ନଇଁ ଯାଇଥିବା ମେରୁଦଣ୍ଡ,କମ୍ପିତ ଶରୀରରେ ଆଗକୁ ଆସୁଥିଲା ବୁଢୀଟି । ଦେହରେ ପରିଧାନ କରିଥିବା ଲୁଗାର ଅବସ୍ଥାକୁ ଦେଖିଲେ ତା'ଅସହାୟତା ସ୍ପଷ୍ଟ ବାରି ହୋଇପଡୁଥିଲା । କାଷ୍ଠସମ ଦୁର୍ବଳ ଶରୀରକୁ ନେଇ ଧୀରେ ଧୀରେ ପାଦ ଥାପି ସେ ପହଞ୍ଚିଲା କଲ୍ୟାଣ ମଣ୍ଡପ ନିକଟକୁ । ତା'ଶୁଖିଲା ମୁହଁ ଆଙ୍କି ଦେଉଥିଲା ତା ଭୋକିଲା ପେଟର କରୁଣ ଚିତ୍ରକୁ ।

ବିବାହ ସରି ଯାଇଥାଏ ସେତେବେଳକୁ ଯିଏ ଯାହାର ଘରକୁ ଫେରି ଆସୁଥିଲେ।କିଛି କ୍ଷଣ ଅପେକ୍ଷା କରିବା ପରେ ସେ ପହଞ୍ଚିଗଲା ସେହି ସ୍ଥାନରେ;ଯେଉଁଠି ବିବାହ ବେଦୀଟେ ପଡିଥିଲା । ଆଉ କାଳ ବିଳମ୍ବ ନକରି ଥରୁଥିବା ନିଜ ଦୁଇ ହାତରେ; ବେଦୀରେ ବର-ବଧୂଙ୍କ ବନ୍ଦାପନାରେ ବ୍ୟବହୃତ ଚାଉଳକୁ ଗୋଟାଇ ରଖି ଚାଲିଲା  ନିଜ ଚିରା ମୁଣିରେ । ମୁଣିରେ ଚାଉଳ ଭରିବା ବେଳେ ମୁଖପ୍ରଦେଶରେ ତା'ର ଖେଳି ଉଠୁଥିଲା ଅପୂର୍ବ ଆନନ୍ଦ ।

ରାଧାମୋହନ ପାଣିଗ୍ରାହୀ,
ଗ୍ରାମ-ପଦ୍ମପୁର, ଜିଲ୍ଲା-ରାୟଗଡ଼।

0 Comments