ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଆସହେ 'ତୁତଲି' - ଅନାମ ଚରଣ ସାହୁ

ଆସହେ 'ତୁତଲି' - ଅନାମ ଚରଣ ସାହୁ


ଆସହେ 'ତୁତଲି' କରୁଛୁ ସ୍ବାଗତ
ଆମେ ଓଡିଆ ଜାତି
ତୁମପରି କେତେ ଆସି ଫେରିଲେଣି
ଅହଂର ମଥା ପାତି।
ଉଣେଇଶି ଶହ ଅନେଶ୍ୱତ ବେଳ
ମହାବାତ୍ୟା ତ ତୁମେ
ନଷ୍ଟ ଭ୍ରଷ୍ଟ କରି ଆମରି ରାଇଜ
ଫେରିଲ ମହାପ୍ରେମେ।
ସେହି ଦିନ ଠାରୁ ଯେ ଶିକ୍ଷା ଲଭିଲୁ
ଆୟୁଧ କରି ତାହା
ପ୍ରଗତି ରଥର ଭାଗିଦାରୀ ହେଲୁ
ଚଳାଇ ନିଜ ନାହା।
'ହୁଦହୁଦ' ସାଜି ତୁମେ ଆସିଥିଲ
କରାଳ ରୂପ ଧରି
ନାଶି ନ ପାରିଲ ମାନବ ଜୀବନ
ଦୁଃଖରେ ଗଲ ଫେରି।
ଆମ ରାଇଜର ଓଡ୍ରାଫ ଦଳକୁ
ଶତେକ ଧନ୍ୟବାଦ
ତାଙ୍କରି ସାହସ ଧଇର୍ଯ୍ଯ ବଳରେ
ଥରିଲା ତୁମ ପାଦ।
ଜାତିସଂଘ ଖୁସି ଆମ ପ୍ରଚେଷ୍ଟାରେ
ସମ୍ମାନ ଦେଲା ଜାଣି
ବୀର ଓଡିଆଙ୍କ ବିଜୟ ନାଦର
ପ୍ରଚାର ହେଲା ବାଣୀ।
ତୁମେବି ଆସିବ ପୁଣି ଫେରିଯିବ
ହସ୍ତକୁ ରିକ୍ତ କରି
ବିଶ୍ବେ କାହିଁ କୁହ ଅଛି କେଉଁ ଜାତି
ବୀର ଓଡିଆ ସରି।

ଅନାମ ଚରଣ ସାହୁ
ବିଭୁତିପୁର, କାକଟପୁର, ପୁରୀ

0 Comments