Information

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ଅପରୂପା - ଲକ୍ଷ୍ମୀନାରାୟଣ ପଟ୍ଟନାୟକ


ମୋ ପ୍ରିୟା ଅଟଇ ଜହ୍ନ ଠୁ ସୁନ୍ଦର
ଜୋଚ୍ଛନା ଅଟଇ ଛାର
ସାତସୁରେ ବନ୍ଧା ତା ସାଥେ ଜୀବନ
ସେ ମୋ କବିତାର ସୁର

ପରୀ ରାଇଜର ଲାବଣ୍ୟବତୀ ସେ
କି ବର୍ଣ୍ଣିବି ରୂପ ତାର
ଅଳସୀ ନଈର ସପନ ବନ୍ୟା ସେ
ଛୁଏଁ ପ୍ରୀତି ପାରାବାର

ଫଗୁଣର ରଙ୍ଗ ଲାଗେ ଫିକା ଫିକା
ପ୍ରିୟା ମୋ ନଥିଲେ ପାଶେ
ଶ୍ରାବଣେ ଭିଜିବା ହୁଅଇ ଅସାର
ଆଖିରେ ଯେବେ ନଦିଶେ

ମଉନ ମାଘରେ ହୁଏ ମୁଁ ପାଗଳ
ତା ପାଉଁଜି ସ୍ଵର ଶୁଣି
ଖୋଜୁଥାଏ ନୀତି ନଈ ପଠାଧାରେ
ସିଏ ମୋ ପରଶମଣି

Laxminarayan Pattanaik
Mjd, Khurda, Odisha
Mobile - 9861616126

Post a Comment

0 Comments