ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ବାଘମାମୁଁ - ପ୍ରୀତିପ୍ରିୟା ମହାନ୍ତି

ବାଘମାମୁଁ - ପ୍ରୀତିପ୍ରିୟା ମହାନ୍ତି

ବାଘ ଆମ ଦେଶ ଜାତୀୟ ପଶୁ
ବନ୍ୟଜନ୍ତୁ ଅଟେ ସିଏ,
ଚେହେରାଟି ତା'ର ବିରାଡି ପରିକା
ଦାଗି ଦାଗି ହୋଇଥାଏ।

ସବୁ ପଶୁ ମଧ୍ୟେ ବଳୁଆ ବୋଲି ସେ
ଅଟେ ଜଙ୍ଗଲର ରଜା,
ପିଲାଙ୍କ କାହାଣୀ ବାଘମାମୁଁ ସିଏ
କହୁଥିଲେ ମୋର ଅଜା।

ମୟୂରଭଞ୍ଜର ଶିମିଳିପାଳରେ
ବାଘର ଅଭୟ୍ଯାରଣ୍ୟ,
ବାଘର ସଂଖ୍ୟା ଯେ କମି କମି ଏବେ
ହୋଇଗଲାଣି ନଗଣ୍ୟ।

ଖାଦ୍ୟାଭାବ ପୁଣି ଜଙ୍ଗଲ ନଷ୍ଟ କୁ
କେବେ ରୋଗ ଆକ୍ରମଣ,
ବିଭିନ୍ନ ସମସ୍ୟା ଦାୟୀ ହୋଇଥାଏ
ବ୍ୟାଘ୍ର ହ୍ରାସର କାରଣ।

ଅତି ଦରକାରୀ ଛାଲ,ନଖ ବୋଲି
ଶିକାର ସେ ହେଉଥାଇ,
ଏମିତିକା ଯଦି ଲାଗିରହିଥିବ
ବାଘ ଯିବ ଲୋପ ପାଇ।

ତା'ସୁରକ୍ଷା ପାଇଁ ସଚେତନ ହେବା
ଶିକାର କରିବା ନାହିଁ,
ଜାତୀୟ ସମ୍ପତ୍ତି ଅଟେ ସେ ଦେଶର
ତା'ର ପରି କେହି ନାହିଁ।

ପ୍ରତିବରଷର ଜୁଲାଇ ମାସରେ
ଅଣତିରିଶି ତାରିଖ,
ବ୍ୟାଘ୍ର ଦିବସ ଯେ ହୁଅଇ ପାଳନ
ଏ କଥାକୁ ମନେ ରଖ।

କଡାକଡି ହେଉ ନୀତିନିୟମକୁ
ଜାତୀୟ ସମ୍ପତ୍ତି ପାଇଁ,
ସମ୍ପୂର୍ଣ୍ଣ ବିଲୁପ୍ତ ହୋଇଯାଏ ଯଦି
ଆଉ ସେ ମିଳିବ ନାହିଁ।

ଭବିଷ୍ୟତ ତାକୁ ନ ଦେଖୁ କେବଳ
ଚିତ୍ର ଅବା କାହାଣୀରେ,
ବାଘମାମୁଁଙ୍କର ସୁରକ୍ଷା ଦାୟିତ୍ୱ
ଆମ ସଭିଙ୍କ ହାତରେ।


ପ୍ରୀତିପ୍ରିୟା ମହାନ୍ତି
ମୟୂରଝାଲିଆ, ରଣପୁର, ନୟାଗଡ଼

0 Comments