ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଡାକିବୁ କେବେ ବୋଉ -ମିଥୁନ ସାହୁ

ଡାକିବୁ କେବେ ବୋଉ -ମିଥୁନ ସାହୁ

ତୋ ବିନାରେ ଧନ ଏଇମୋ ଜୀବନ
ଲାଗୁଥିଲା ଖାଲି ଖାଲି,,
ତୁ ଯେବେ ଆସିଲୁ ଜୀବନରେ ମୋର
ସବୁ ଖୁସି ପାଇଗଲି,,।।

ତୋ ଟିକି ଓଠରେ କେବେ ମତେ ଥରେ
ବୋଉ ବୋଲିଣ ଡାକିବୁ,
ମିଠାମିଠା କଥା ମୋ କୋଳରେ ବସି
କେବେ କହ ତୁ କହିବୁ,,।।

ପଣତ କାନିରେ ସବୁବେଳେ ତତେ
ରଖିଥିବି ମୁଁ ଘୋଡେଇ,
ବିପଦକୁ କେବେ ତୋହରି ପାଖକୁ
ଆସିବାକୁ ଦେବିନାହିଁ,,।।

ଛାଇହୋଇ ତୋର ସବୁଦିନ ପାଇଁ
ରହିଥିବି ଯେ ପାଖରେ,
ଖୁସି ଛଡା କେବେ ଦୁଃଖକୁ ସତରେ
ଜାଣିବୁନି ଜୀବନରେ,,।।


ମିଥୁନ୍ ସାହୁ
ମାଳ ତେନ୍ତୁଳିଆ, ପୋଲସରା, ଗଞ୍ଜାମ

0 Comments