ଆସ ଆଉଥରେ ମୟୁରଚୁଳିଆ - ଜିତେନ୍ଦ୍ର ସାହୁ

ଆସ ଆଉଥରେ ମୟୁରଚୁଳିଆ - ଜିତେନ୍ଦ୍ର ସାହୁ

ଆଖିରେ କଜ୍ଜଳ ମାଆ ନାଇଦେବ
ପଣତେ ପୋଛିବ ଧୂଳି ଦେହର,
ଆସ ଆଉ ଥରେ ମୟୁରଚୁଳିଆ
ଖୁଆଇ ଦେବ ମା' ଲବଣୀ ସର,,।।
ଗୋପାଳଙ୍କ ସଙ୍ଗେ ଗୋପାଳିଆ ହେଇ
ଚରେଇବ ହେ ବନେ ଗାଈ ଗୋରୁ,
ସଞ୍ଜବେଳେ ଫେରି ଆସିଲା ପରେ ଯେ
ମା' କାଢିଦେବ କଣ୍ଟାକୁ ପାଦରୁ,,।।
କହି ଗଳାମାଳୀ ମାଆ ନେବ ତୋଳି
କୋଳରେ ଶୁଆଇ କରିବ ଗେହ୍ଲ,
ନନ୍ଦରାଜାଙ୍କର ଟିକି ପିଲା ହେଇ
ମାଟିକୁ ଖାଇବ ଆସ ଗୋପାଳ,,।।
ଯମୁନା ପାଣିରେ ମୁହଁକୁ ଧୋଇବ
ମା' ଦେଇଥିବା ଲବଣୀକୁ ଖାଇ,
ରାଧାକୁ ଡାକିବ ପ୍ରୀତି ରଚିବାକୁ
କଦମ୍ବ ମୂଳେ ବଂଇଶୀ ବଜେଇ,,।।
ପଲ୍ଲୀଠୁ ନଗର ଲାଗୁଛି ସୁନ୍ଦର
ତୁମ ଜନ୍ମଦିନ ଆସିଛି ବୋଲି,
ଭାଙ୍ଗିଲେ ମାଠିଆ ଖୁସି ଢ଼ାଳିଦେବ
ଛନ୍ଦାଚରଣେ ମୁଁ ମଥା ପାତିଲି,,।।


ଜିତେନ୍ଦ୍ର ସାହୁ,
ଏମ୍.ତେନ୍ତୁଳିଆ, ପୋଲସରା, ଗଞ୍ଜାମ

0 Comments