Information

"ସ୍ଵାଗତିକା" ସାହିତ୍ୟ ପତ୍ରିକା ନିମନ୍ତେ ଇ-ମେଲ, ହ୍ଵାଟସଆପ ଓ ଡାକ ମାଧ୍ୟମରେ କବିତା ପଠାନ୍ତୁ । କବିତା ପଠାଇବାର ଶେଷ ତାରିଖ ୩୦/୧୧/୨୦୧୮ ଏବଂ କବିତାର ପରିଧି ୧୬ ରୁ ୨୦ ଧାଡି ମଧ୍ୟରେ ରହିବା ଆବଶ୍ୟକ । Email - swagatika.nishikanta@gmail.com / WhatsApp - 8018646704 / By Post - The Chief Editor, Swagatika, At - Lokipur, PO - Gadamanatir, Dist - Khordha, Pin-752062, Odisha.

ବର୍ଷା ଯେବେ ଆସିଲା - ପ୍ରଶାନ୍ତ କୁମାର ନାଥ

ଆକାଶର ଛାତିଚିରି
ବର୍ଷା ଯେବେ ଆସିଲା
ଧରଣୀର ବୁକୁପରେ
ଆନନ୍ଦରେ ବର୍ଷିଲା ।
ସବୁଜ ରଙ୍ଗରେ ଭରା
ସବୁଜିମା ଦିଶିଲା
ଗାଆଁ ଆଗ କିଆରୀରେ
ସୁନାକ୍ଷେତ ହସିଲା ।
ଜୁଈ ଜାଇ ହେନା ମଲ୍ଲି
କିସୁନ୍ଦର ବାସିଲା
ଇନ୍ଦ୍ରଧନୁ ସାତ ରଙ୍ଗେ
ଆକାଶଟା ହସିଲା ।
ଗାଆଁ ପଛ ନଈ ଧାରେ
ମୀନ ଏବେ ଖେଳିଲା
ବିଜୁଳୀର ଚମକଟା
ମନେ ଘର ତୋଳିଲା ।
ଭସାମେଘ ସାଥେ ସୂର୍ଯ୍ୟ
ଲୁଚ କାଳି ଖେଳିଲା
ନୀଳ ଆକାଶର ଦେହେ
କଳା ରଙ୍ଗ ବୋଳିଲା ।
ଘର ପଛ ବାଡ଼ି ଆଡେ
ଜହ୍ନି ଲତା ମାଡ଼ିଲା
ଜତନରେ ଆଈ ନିଜ
ଛତାଟାକୁ କାଢ଼ିଲା ।
ଧରାଣୀମା ସଜ ହୋଇ
କି ସୁନ୍ଦରୀ ଦିଶିଲା
ଗାଆଁଟା ମୋ ହସିଲା
ବର୍ଷା ଯେବେ ଆସିଲା ।

Post a Comment

0 Comments