OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ଶ୍ରୀପଦରେ ଶିର ଥୋଇ - ପ୍ରଣତୀ ମହାପାତ୍ର

ଶ୍ରୀପଦରେ ଶିର ଥୋଇ - ପ୍ରଣତୀ ମହାପାତ୍ର

କରୁଛି ବନ୍ଦନା ପୂଜ୍ୟ ଗୁରୁବର
ଶ୍ରୀପଦରେ ଶିର ଥୋଇ,
ବ୍ରହ୍ମା ପୁଣି ବିଷ୍ଣୁ ତୁମେ ସତ୍ୟ ଶିବ
ସୁନ୍ଦର ମୂରତି ହୋଇ।
ଅଜ୍ଞାନ ଅନ୍ଧାର ଦୂରିଭୂତ ହୁଏ
ତୁମ କୁହୁକ ପରଶେ,
ସକଳ ଘଟର ଜ୍ଞାନ ଦାତା ତୁମେ
ପୂଜ୍ୟ ଏ ଜଗତ ପାଶେ।
ନିସ୍ଵାର୍ଥେ ନିତି ବାଣ୍ଟି ଚାଲିଥାଅ
ଜ୍ଞାନ ଅମୃତ ଭଣ୍ଡାର,
ତୁମ ପଥ ଅନୁସରି ଶିଷ୍ୟ ହୁଏ
ଜଗତେ ପ୍ରତିଭାଧର।
ଖାଲି ବିଦ୍ୟାଦାତା ନୁହଁ ତୁମେ ପୂଜ୍ୟ
ଜ୍ଞାନଦାତା ମୁକ୍ତିଦାତା,
ସକଳ ବିପଦୁ ଉଦ୍ଧାର କରି
ଦେଖାଅ ଆଲୋକ ରାସ୍ତା।
ଚଳନ୍ତି ଇଶ୍ୱର ସବୁ ଯୁଗର ଏକଥା
ରହିଥିଲା ରହିଥିବ,
ଜ୍ଞାନର ପୁରୁଷ ହେ ମହେଶ୍ୱର
ତବଦାନ ମହୀ ଗାଉଥିବ।
ସାଧାସିଧା ରୂପେ ବିଶାଳ ଗଗନେ
ସୂର୍ଯ୍ୟ ସମ ଜ୍ୟୋତି ଢାଳି,
ପର କେ ଆପଣା,ଶତୃ ଅବା ମିତ୍ର
ଜ୍ଞାନାମୃତେ ଦିଅ ଅଜ୍ଞାନ ଜାଳି।
କରୁଅଛି କୋଟି କୋଟି ପ୍ରଣାମ
ଘେନ ଆହେ ଗୁରୁବର,
ଆଶୀଷ ବାରିରେ ଉଦ୍ ଭାସିତହେଉ
ମୋ ଜୀବନ ପାରାବାର।


ପ୍ରଣତି ମହାପାତ୍ର
ଫକୀରମୋହନ ନଗର, ବାଲେଶ୍ଵର

1 Comments

  1. - ହୃଷୀକେଶ ପାଢୀ,ବୋଳକଣା, ଡେଲାଙ୍ଗ, ପୁରୀ।September 6, 2018 at 12:28 AM

    ବହୁତ ସୁନ୍ଦର ପରିବେଷଣ ।
    ଧନ୍ୟବାଦ

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।