ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଦଇବ ଦେଇଛି ଏମିତି ଜୀବନ - ମିଥୁନ୍ ସାହୁ

ଦଇବ ଦେଇଛି ଏମିତି ଜୀବନ - ମିଥୁନ୍ ସାହୁ

କେତେଦିନ ଆଉ ସପନ ଦେଖିବି
ମିଛି ମିଛିକା ଏମିତି,
ଭାଗ୍ୟରେ ମୋହର ଲେଖା ହୋଇନାହିଁ
ରାଜମହଲ ସମ୍ପତ୍ତି,,।।
ରାସ୍ତା କଡ ଅଟେ ସବୁକିଛି ମୋର
ସିଏ ହିଁ ଛୋଟିଆ ଘର,
ଦଇବ ଦେଇଛି ଏମିତି ଜୀବନ
କେହିନାହିଁ ଆପଣାର,,।।
ଛୋଟ କୁଡ଼ିଆଟେ ଗଢିବା ପାଇଁକି
ପାଖରେ ମୋ କିଛିନାହିଁ,
ଖଣ୍ଡିଏ ଖଡ଼ିରେ ଗାର ଟାଣିଦେଇ
ଯାଇଛି ଟିକେ ମୁଁ ଶୋଇ,,।।
ମୋ ଆଶା ଭରସା ତଥାପି ଭାଙ୍ଗିନି
ରଖିଛି ମୋ ହୃଦୟରେ,
ହସୁଥାଏ ନିତି ସଭିଙ୍କ ଆଗରେ
ଥାଇ ମଧ୍ୟ ମୁଁ ଦୁଃଖରେ,,।।




ମିଥୁନ୍ ସାହୁ
ମାଳ ତେନ୍ତୁଳିଆ, ପୋଲସରା, ଗଞ୍ଜାମ

0 Comments