ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ତୁମକୁ କରିବି ପୂଜା - ପ୍ରକାଶ କୁମାର ଚାନ୍ଦ

ତୁମକୁ କରିବି ପୂଜା - ପ୍ରକାଶ କୁମାର ଚାନ୍ଦ

ବାପଙ୍କୁ କହିଛି ବଜାରୁ ଆଣିବେ
ଭୋଗ ରାଗ ଫଳମୂଳ
ମାଆକୁ କହିଛି ସଜାଡି ରଖିବ
ଗୁଆ ସାଥେ ଆମ୍ବଡାଳ ।

ସକାଳ ପହରୁ ଭାଇ ମୋର ଉଠି
ଲାଗିଅଛି ପୂଜା କାମେ
ସଜେଇ ରଖିଛୁ ପୂଜା ମଣ୍ଡପକୁ
ଆସିବ ବୋଲି ହେ ତୁମେ ।

ଆସ ଲମ୍ବୋଦର ମହେଶ କୁମର
ସରଗୁ ଓହ୍ଲେଇ ଆସ
ଗଢିଥିବା ସେଇ ଟିକି ମଣ୍ଡପରେ
ଆସି ଥରେ ତୁମେ ବସ ।

ମୂଷିକ ସାଥିରେ ଆସ ଗଜାନନ
ରଖିଅଛି ଖସା ଲଡୁ
ଆଜିର ଦିନରେ ତୁମରି ନଜର
ଆମ ଆଡେ ଟିକେ ପଡୁ ।

ହାତଯୋଡି ବାରେ କରୁଛି ମିନତୀ
ଜାଣିନାହିଁ ପୂଜାବିଧି
ଦୋଷ ଥିଲେ କ୍ଷମା କରିଦେବ ପ୍ରଭୁ
ଦୟାବନ୍ତ ଦୟାନିଧି ।

ମାଆ କହୁଥିଲା ତୁମେ ପରା ପ୍ରଭୁ
ଦୁନିଆରେ ସର୍ବଶ୍ରେଷ୍ଠ
ସକଳ କର୍ମରେ ତୁମକୁ ପୁଜିଲେ
ସବୁ ରିଷ୍ଟ ହୁଏ ନଷ୍ଟ ।

ଵିଦ୍ୟାର ଠାକୁର ତୁମେ ବିଦ୍ୟାଧର
ବାପା କହୁଥିଲେ ମତେ
ତୁମ ବୁଦ୍ଧିବଳେ ସବୁଠୁ ଆଗୁଆ
ପାଉଛ ପୂଜା ଜଗତେ ।

ଦିଅ ଦିବ୍ୟଞାନ ଶଙ୍କର ସନ୍ତାନ
ଗଣପତି ଗଣନାଥ
ଆସ ବକ୍ରତୁଣ୍ଡ କରନାହିଁ ଡେରି
ଯୋଡୁଅଛି ଦୁଇ ହାତ ।

ଧୂପ ଦୀପ ଫୁଲ ସଜାଡି ରଖିଛି
ମଣ୍ଡପ ହୋଇଛି ସଜା
ପ୍ରାର୍ଥନା ବୋଲିବି ନଡିଆ ପିଟିବି
କରିବି ତୁମରି ପୂଜା ।

ପ୍ରକାଶ କୁମାର ଚାନ୍ଦ
ଜୟପୁର ଶାସନ, ପିପିଲି, ପୁରୀ
ମୋ:୯୮୫୩୩୫୪୯୩୮

0 Comments