Information

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ଘଟଣା ପ୍ରବାହ - ବାଜେକଥା - ସଲିଳ କୁମାର ସ୍ଵାଇଁ


ସକାଳୁ ସକାଳୁ ଚାଲିବାକୁ ପରାମର୍ଶ ଦେଲେ ଡାକ୍ତର । ଦେହ ଭଲ ରହିବ ଆଊ ରକ୍ତଚାପ ନିୟନ୍ତ୍ରଣରେ ରହିବ । ଡାକ୍ତରବାବୁଙ୍କ କଥା ଶୁଣି ପିଲାଦିନର ଛବିବହି ମନେ ପଡିଗଲା । ‘ସକାଳବୁଲା ଦେହକୁ ହିତ’ ବୋଲି ପଢିଥିଲି । ଆଜି ସକାଳୁ ସକାଳୁ ଆମ୍ବତୋଟା ଆଡେ ଚାଲିଲି । ବାଟରେ ଭେଟହେଲା ଗାଁ’ର ପରିଚିତ ବୁଢୀ’ମା ସହ । ଅନେକ ଦିନ ପରେ ଦେଖା । ଆଦରରେ ଆଉଁସି ଫକେଇଲା । ଭଲମନ୍ଦ ପଚାରିଗଲା । ହାତରେ ଥିଲା ତାର ସିମେଣ୍ଟ ଜରିରେ ତିଆରି ମୁଣା । କୁଆଡେ ଯାଉଚି ବୋଲି ପଚାରିବାରୁ କହିଲା- ଆଜି ମାସନ୍ତ ତ, ତେଣୁ ଗାଁ ଭିତରେ ପୁରୁଣା ଘରେ ଥିବା ବଡପୁଅ ପାଖକୁ ଯାଉଛି । ଆମ୍ବତୋଟାରେ ନୂଆଘର କରି ରହୁଥିବା ସାନପୁଅର ପାଳି ଗତକାଲି ରାତିରେ ସରିଲା । ଆଜିଠାରୁ ବଡପୁଅର ଆରମ୍ଭ । ପୁଣି ମନେପଡିଗଲା ପିଲାଦିନର ଦୄଶ୍ୟ । ଏଇ ମା’ର ଦୁଇପୁଅ ‘ମୋ ବୋଉ’ ‘ମୋ ବୋଉ’ କହି ପିଲାବେଳେ ଝଗଡା କରୁଥିଲେ ପରସ୍ପର ମଧ୍ୟରେ । ସେଥିପାଇଁ ଏବେ ମାସେ ମାସେ କରି ବାଣ୍ଟି ନେଇଛନ୍ତି ।

ସଲିଳ କୁମାର ସ୍ଵାଇଁ
ମଙ୍ଗଳାଯୋଡି, ଖୋରଧା, ଦୂରଭାଷ : ୯୪୩୭୦୯୦୧୨୪

Post a Comment

1 Comments

  1. Purna Chandra Bhuyan9/16/2018

    ଆଜିର ସମାଜର ର ବାସ୍ତବିକ ସତ୍ୟ କଟୁ କଥା ଟିଏ

    ReplyDelete

ଉପରୋକ୍ତ ବିଷୟଟି ଆପଣଙ୍କୁ କେମିତି ଲାଗିଲା ଦୟାକରି ନିଜର ମତାମତ ରଖନ୍ତୁ । ଆପଣଙ୍କ ଗଠନ ମୂଳକ ମତାମତ ନିଶ୍ଚୟ ବଣମଲ୍ଲୀର ମହକର ସମସ୍ତ ଲେଖକ ଲେଖିକା ମାନଙ୍କ ନିମନ୍ତେ ପ୍ରେରଣାଦାୟକ ହୋଇ ପାରିବ । ନିମ୍ନୋକ୍ତ କୋଠରୀ ମଧ୍ୟରେ ଆପଣଙ୍କ ମତାମତ ପ୍ରଦାନ କରନ୍ତୁ ।