Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ମୁଁ ତୋ ଦେହର ଛାଇ - ପ୍ରଶାନ୍ତ କୁମାର ନାଥ

ଭଲ ପାଉଥିଲୁ କାଲି ତୁ ପ୍ରିୟାଲୋ
ଆଜି କରିଦେଲୁ ମନା
ଭାବିଲୁନି ଥରେ କେମିତି ବଞ୍ଚିବି
ପ୍ରିୟାଲୋ ମୁଁ ତୋ ବିନା
ମୋତେ ଭୁଲି ଯାଇ ଭାବିଛୁକି ପ୍ରିୟା
କା ସାଥେ ତୋଳିବୁ ଘର
ଆଉ କିଏ ତୋର ହେବ ଆପଣାର
ସାଜିବି ମୁଁ ସାତପର ।
ଏମିତି ଦାନୀ ଟେ ମୁଁ ଜମା ନୁହେଁ ଲୋ
ପ୍ରେମକୁ କରିବି ଦାନ
ତୋର ଖୁସି ପାଇଁ ପାରିବିନି ହୋଇ
ହରିଶ୍ଚନ୍ଦ୍ର ଦାନୀକର୍ଣ୍ଣ ।
ହୋଇପାରେ ଦିନେ ବିରହ ଜ୍ୱାଳାରେ
ଶରୀରଟା ମରିଯିବ
ହେଲେ ତୋ ପାଖରେ ସବୁ ସମୟରେ
ଆତ୍ମା ମୋର ରହିଥିବ ।
ମରିଗଲା ପରେ ମଶାଣି ଭୁଇଁରେ
ଦେହଟା ପାଉଁଶ ହେବ
ହେଲେ ସେ ପାଉଁଶ ସେହି ମଶାଣିରେ
ତୋ ପଥକୁ ଚାହିଁଥିବ ।
ମୋ ଆତ୍ମା ଘୁରିବ ତୋ ଆଗ ପଛରେ
ଛାଇଟେ ତୋହର ହୋଇ
ପରିବୁକି କହ ପାଖରୁ ତୋହର
ଛାଇକୁ କେବେ ଦୁରେଇ ।

Post a Comment

0 Comments