Information

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ପ୍ରୀତିର ଆଶାରେ - ସିଦ୍ଧେଶ୍ଵର ତ୍ରିପାଠୀ

ଆସ ଆସ ମୋର ପ୍ରଣୟ ସଙ୍ଗିନୀ
ଯାମିନୀ ଯାଉଛି ସରି
ଏତନୁ ମନକୁ ଶିକ୍ତ କରଗୋ
ବାହୁ ବନ୍ଧନରେ ଧରି ।

କୋଟିଏ ସପନ ଗୋଟିଏ ରାତିରେ
ଆଜି ହେଇଯାଉ ସତ
ଉନ୍ମୁକ୍ତ ହେଉ ପାଗଳ ପ୍ରେମୀକୁ
ଲବଙ୍ଗଦ୍ବୀପର ପଥ ।

ଅଧର ଅମୃତେ ତୃପ୍ତ ହେବିମୁଁ
ପ୍ରୀତି ଯାଉଥିବ ଝରି
ଆସ ଆସ ମୋର ପ୍ରଣୟ ସଙ୍ଗିନୀ
ଯାମିନି ଯାଉଛି ସରି - - -

ଅପହଞ୍ଚ ସେଇ ଇଲାକାକୁ ଛାଡି
ଆସ ଆସ ଥରୁଟିଏ
ସେଇ ଜଉଘରେ ମୋତେ ବନ୍ଦି କରି
ଜଳାଇ ଦିଅଗୋ ପ୍ରିୟେ ।

ତୁମକୁ ଥରୁଟେ ପାଖରେ ପାଇଲେ
ଶାନ୍ତିରେ ପାରିବି ମରି
ଆସ ଆସ ମୋର ପ୍ରଣୟ ସଙ୍ଗିନୀ
ଯାମିନୀ ଯାଉଛି ସରି ।


ସିଦ୍ଧେଶ୍ବର ତ୍ରିପାଠୀ
କୁଣ୍ଡିଲୋ, କେରଙ୍ଗ, ଖୋର୍ଦ୍ଧା

Post a Comment

0 Comments