ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଅଣୁଗଳ୍ପ - ମନସ୍ତାପ - ଏ. ପି. ଶୁଭକାନ୍ତ

ଅଣୁଗଳ୍ପ - ମନସ୍ତାପ - ଏ. ପି. ଶୁଭକାନ୍ତ

ସୋନୁ ଗପ ଶୁଣିବା ପାଇଁ ଜେଜେଙ୍କ ପାଖେ ଜିଦ କରୁଥିଲା। ରାଜେନ୍ଦ୍ର ବାବୁ ଛୋଟ ପିଲାଟିର ଜିଦ ଆଗରେ ହାର ମାନି ଗପ ଆରମ୍ଭ କଲେ । "ବିଭୁ ବୋଲି ଗୋଟେ ପିଲାଟିଏ ଥିଲା ଠିକ ତୋ ପରି , ପଢ଼ା ଅପେକ୍ଷା କ୍ରିକେଟ ଖେଳରେ ତାର ଭାରି ମନ। ତା ବାପା କିନ୍ତୁ ତାର ଖେଳକୁ ପସନ୍ଦ କରନ୍ତିନି। ସେ ଚାହାନ୍ତି ତାଙ୍କ ପୁଅ ପାଠ ପଢା ଉପରେ ଧ୍ୟାନ ଦେଉ ଆଉ ବଡ ହେଇ ଭଲ ଡାକ୍ତରଟିଏ ହେଉ। ଧୀରେ ଧୀରେ ଲୋକମାନେ ବିଭୁର ବାପାଙ୍କୁ ତାର କ୍ରିକେଟ ଖେଳ ବିଷୟରେ କହିଲେ ଏବଂ ତାକୁ କ୍ରିକେଟର କରିବାକୁ କହିଲେ କିନ୍ତୁ ସେ କାହା କଥା ନ ଶୁଣି ତାକୁ କ୍ରିକେଟ ଖେଳରୁ ଦୁରେଇ ପାଠପଢା ରେ ଧ୍ୟାନ ଦେବାକୁ କହିଲେ। ବିଭୁ ଭୟରେ ବାପାଙ୍କୁ କିଛି କହିନପାରିଲେ ମଧ୍ୟ ମନେମନେ ବହୁତ ଦୁଃଖ ପ୍ରକାଶ କରେ। ଦିନ ୧୬ବର୍ଷରୁ କମ ଆନ୍ତଃଜିଲ୍ଲା କ୍ରୀଡ଼ା ରେ ଖେଳୁଥାଏ,ତା ବାପା ସେହି ବାଟ ଦେଇ ଫେରୁଥାନ୍ତି। ପଡ଼ିଆରେ ତାକୁ ଦେଖି ଅଟକିଗଲେ ଓ ଲୋକଙ୍କ ସାମ୍ନାରେ ତାକୁ ମାରିବା ସହ ଘରକୁ ଆଣିଆସିଲେ। ସେହିଦିନଠାରୁ ବିଭୁ ଆଉ ବ୍ୟାଟ ଧରିନି।"


ଆଗକୁ କାହାଣୀ ବଢାଇବା ପୂର୍ବରୁ ରାଜେନ୍ଦ୍ର ବାବୁ ଦେଖିଲେ ସୋନୁ ଶୋଇପଡିଛି। କାହାଣୀ କହିବା ଭିତରେ ତାଙ୍କ ଆଖିରୁ ମଧ୍ୟ ଲୁହ ବାହାରିଯାଇଛି। ଲୁହ ପୋଛୁ ପୋଛୁ ଭାବୁଥାନ୍ତି ସେଦିନ ଯଦି ସେ ଅଟକାଇ ନଥାନ୍ତେ ତେବେ ଆଜି ବିଭୁ ଜଣେ ସଫଳ କ୍ରିକେଟର ହୋଇପାରିଥାନ୍ତା। କିନ୍ତୁ ତାଙ୍କ ଜିଦ ଯୋଗୁ ନା ବିଭୁ କ୍ରିକେଟର ହୋଇପାରିଲା ନା ଡାକ୍ତର। ବର୍ତ୍ତମାନ ନିଜ ଭୁଲ ନିଷ୍ପତ୍ତି ପାଇଁ ମନସ୍ତାପ କରିବେ କି ବିଭୁ କୁ କ୍ରିକେଟର ହେବାରୁ ଅଟକାଇଛନ୍ତି ବୋଲି ଖୁସି ହେବେ !

1 Comments

  1. ଶୁଭକାନ୍ତ ସାହୁSeptember 15, 2018 at 5:23 PM

    ସୁନ୍ଦର ଉପସ୍ଥାପନା। ଅଳ୍ପରେ ଅନେକ ବାର୍ତ୍ତା ପିତାମାତାଙ୍କ ପାଇଁ, ସମାଜ ପାଇଁ।
    ଲେଖକଙ୍କ ଉତ୍ତରୋତ୍ତର ଉନ୍ନତି କାମନା କରୁଛି।

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।