OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ଲଭିବୁ ବୈକୁଣ୍ଠ ଭୁବନ - ପ୍ରଫୁଲ୍ଲ ଚନ୍ଦ୍ର ମିଶ୍ର

ଲଭିବୁ ବୈକୁଣ୍ଠ ଭୁବନ - ପ୍ରଫୁଲ୍ଲ ଚନ୍ଦ୍ର ମିଶ୍ର

ରାଗ—ନଟ ନାରାୟଣୀ
ତାଳ—ଯତି

କଞ୍ଜ ବଦନ ଚକାନୟନ
ଦେଖି ତୁମ ଚାରୁଚିତ୍ର ଆହ୍ଲାଦିତ ମନ , ହେ କଞ୍ଜ ବଦନ…।।

ବ୍ରହ୍ମ ସ୍ବରୂପ ରେ ଦାରୁ ଅଚଳ ମୂରତି
ସହସ୍ର ଭାନୁ ସମାନ ଉଛୁଳେ ସେ ଜ୍ବୋତି
ଯୋଡହସ୍ତେ ଅଗ୍ରେ ବିଜେ ବିନତା ନନ୍ଦନ , ହେ କଞ୍ଜ ବଦନ…।।

ସୁଧାଝରା ମଞ୍ଜୁହସ ତା ରଙ୍ଗ ଅଧରେ
ମହାବାହୁ ବାହୁ ଟେକି ଡାକେ ଭକତରେ
ଶରଣ ପଶିଲେ ପାପ କରନ୍ତି ମୋଚନ , ହେ କଞ୍ଜ ବଦନ…।।

ଷାଠିଏ ପଉଟି ଅର୍ଣ୍ଣ ସୁସ୍ବାଦୁ ବ୍ୟଞ୍ଜନ
ଲାଗିହୁଅଇ ଅବଢ଼ା ପୀୟୂଷ ସମାନ
ନରଜନ୍ମ ହୁଏ ଧନ୍ୟ କରିଲେ ସେବନ , ହେ କଞ୍ଜ ବଦନ…।।

ପୁରସ୍ତମେ ରତ୍ନବେଦୀ କରି ଅଳଂକୃତ
ବିଜୟ କରିଅଛନ୍ତି ସ୍ଵଂୟ ଜଗନ୍ନାଥ
କୃତାନ୍ତ କରଇ ଭୟ ଦେଲେ ସେ ଶରଣ , ହେ କଞ୍ଜ ବଦନ…।।

ଆରେ ବାଇମନ ବାରେ ଭଜ ତାରନାମ
ନିଶ୍ଚୟ ଲଭିବୁ ତୁହି ବୈକୁଣ୍ଠ ଭୂବନ
କହଇ ପ୍ରଫୁଲ୍ଲ ଥରେ ମାନ ରେ ବଚନ , ହେ କଞ୍ଜ ବଦନ…।।

0 Comments