ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଶାରଦୀୟ ହେତୁ - ପ୍ରଶାନ୍ତ କୁମାର ସାହୁ

ଶାରଦୀୟ ହେତୁ - ପ୍ରଶାନ୍ତ କୁମାର ସାହୁ

କିଏ ସେ ଭରିଛି ସବୁଜର ରଙ୍ଗ
ପାହାଡ଼ ବନାନୀ କ୍ଷେତେ,
ଯହିଁ ଦେଖ ତହିଁ ସ୍ବର୍ଗୀୟ ସର୍ଜନା
ଖେଳଇ ଅଧିର ଚିତ୍ତେ ।
ଝୁମେ ବୃକ୍ଷରାଜି ମଳୟ ପରଶେ
ବିଭୋରିତ ମନ ତା'ର,
ବିକଶିତ ଦେହେ ଲଭୁଅଛି ସିଏ
ଧରଣୀ ମାଆର ବର ।
ରଙ୍ଗଣୀ ରୋଶଣି ରୋମାଞ୍ଚିତ କରେ
ମରାଳଗାମନୀ ହିଆ ,
ଭସା ବଉଦର ମେଳନ ହେଲାଣି
ଗାଇଲାଣି କୁମ୍ଭାଟୁଆ ।
ଫରଚା ହେଲାଣି ନୀଳ ଆକାଶଟି
ଚମକିବ ଉଡ଼ାଣରେ,
କୋମଳ କୋଳରେ ବିମୋହିତ ସର୍ବେ
ନାଚିବେ ପୂରିତ ସ୍ବରେ ।
ଜାଗି ଉଠେ ମନ ନିର୍ଝରିଣୀ ସମ
ଉଚ୍ଛ୍ବାସିତ ସର୍ପଣରେ,
ହୁଅଇ ଅଧୀରା ସତେ ଧୀରାଧୀରା
ବିଳମ୍ବିତ ମିଳନୀରେ।
ସକାଳ ସନ୍ଧ୍ୟାରେ କାକର ବିନ୍ଦୁରେ
ନରମୀ ଯାଏଟି ଦେହ,
ଛାୟାକାନ୍ତ ସଙ୍ଗେ ବେପରୁଆ ଢ଼ଙ୍ଗେ
କାଶତଣ୍ଡି ତ୍ୟାଗେ ମୋହ ।
ହର୍ଷେ ବିହ୍ବଳିତ ସଂସାରୀର ନୀଡ଼
ଆଗତ ଭବ୍ୟ ଜୀବନ
କି ଆନନ୍ଦମୟ ମାତାର ଭୂବନ
ଦେଖି ଆହ୍ଲାଦିତ ପ୍ରାଣ ।


ପ୍ରଶାନ୍ତ କୁମାର ସାହୁ, ଛତ୍ରଗଡ଼, ଖୋର୍ଦ୍ଧା

0 Comments