ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଶରତ ଛୁଆଁରେ - ପବିତ୍ର କୁମାର ନାୟକ

ଶରତ ଛୁଆଁରେ - ପବିତ୍ର କୁମାର ନାୟକ

ନୀଳ ଆକାଶର ନୀଳ ଅଗଣାରେ
ଗୋଟି ଗୋଟି ସେଇ ଭସା ବଉଦ
ଦୂର ପାହାଡ଼ର ଝରଣାର ସୁର
ଚପଳାର ଛୁଆଁ ଦୁନ୍ଦୁଭି ନାଦ...

ଲୁଚିଯାଏ ଧୀରେ ସମୟ ସୁଅରେ
ଲିଭିଯାଏ ମନୁ ଅକୁହା ସ୍ମୃତି
ଥିରି ଥିରି ବହି କାନେ ଦିଏ କହି
ଅଝଟ ହୃଦୟ ଅକୁହା ଗୀତି...

ସୂରୁଯର ତେଜ ମନେ ଭରି ଲାଜ
ସଞ୍ଜ ଆକାଶରେ ଲୁଚି ଯାଇଛି
ଗୋଧୂଳି ଗଗନେ ହୋଇଣ ମଗନେ
ଚାନ୍ଦିନୀ ଆଶାରେ ଶଶୀ ବସିଛି...

ପୂନେଇଁ ପରଶ ଜୋଛନାର ଆଶ
ମନେ ଭରିଦିଏ ପୁଲକ ନୂଆ
ଅଭୁଲା ସେ ସ୍ମୃତି ଭରିଦିଏ ପ୍ରୀତି
ହୃଦୟ କନ୍ଦରୁ ଉଠଇ ଧୂଆଁ...

ସବୁଜ ବନାନୀ ସାଜିଛି ଧରଣୀ
ଶରତ କହୁଛି ଶେଫାଳୀ କାନେ
ଗଲା ସନ ପ୍ରିୟା କହିଥିଲ ଯାହା
ଭୁଲି ଯାଇଛ କି ରଖିଛ ମନେ....


ପବିତ୍ର କୁମାର ନାୟକ,
କେଲୁଆପଲ୍ଲୀ, ଗଞ୍ଜାମ - ୭୬୦୦୦୩

0 Comments