ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଭିନ୍ନ ଏକ ସମ୍ପର୍କ - ଦେବବ୍ରତ ଜେନା

ଭିନ୍ନ ଏକ ସମ୍ପର୍କ - ଦେବବ୍ରତ ଜେନା

କଳା ବଉଦ ଓ ସାଗର
ଦୁହେଁ ଆଜି ନିମଗ୍ନ
ତାଣ୍ଡବ ରଚିବାକୁ
ଧରିଛନ୍ତି ଉଗ୍ର ରୂପ
ପିଇଥିବା ହଳାହଳ ବିଷକୁ ଉଦ୍ଗାରିବେ
ପ୍ରକୃତିର ନିୟମରେ ବିଚିତ୍ର ଏ ସମ୍ପର୍କ....
ଆକାଶରେ କଳାହାଣ୍ଡିଆ ମେଘ ସହ ମୟୁରର ସମ୍ପର୍କଠୁଁ
ଦରିଆର ସମ୍ପର୍କ ଯେ ନିବିଡ଼ ଏହା ନିଃସନ୍ଦେହ
କଳା ବଉଦ ଦେଖି ଦରିଆର ମନରେ ଅୟୁତ କୋହ ଉଠେ
ଜଣେ ପ୍ରିୟତମା ତ ଅନ୍ୟ ଜଣକ ତା ମନର ମଣିଷ
ବିଭୋର ହୋଇ ହଜେଇ ଦିଅନ୍ତି ନିଜ ସ୍ୱରୂପକୁ
ଆଉ କବି ପାଈଁ ଅଜାଡି ଦିଅନ୍ତି ନବ ସର୍ଜନାର
ଦି ପଦ ଭାବନା ।।

0 Comments