ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଜ୍ଞାନ ହୋଇନି ମୋହରି - କେ. ନିର୍ମଳ

ଜ୍ଞାନ ହୋଇନି ମୋହରି - କେ. ନିର୍ମଳ

ଜ୍ଞାନ ର ଭଣ୍ଡାର ବୁଦ୍ଧି ରେ ଅସାର
ଆହେ ପ୍ରଭୁ ଗଜାନନ,
ଭକ୍ତି ଭାବ ନେଇ ଡାକେ ଯେ ତୁମ୍ଭକୁ
ଦୁଃଖ କୁ କର ଖଣ୍ଡନ।

ଈଶ୍ୱରଙ୍କ ଠାରୁ ବରଦାନ ପାଇ
ପୂଜା ପାଉଅଛ ଆଗେ,
ଅଜ୍ଞାନୀ ଲୋକ କୁ ଜ୍ଞାନ ଦିଅ ବୋଲି
ଆଶିଷ ତୁମ୍ଭଠୁ ମାଗେ।

ଦୁଇପଦ ଯେବେ କହିବା ଶିଖିଲି
ତୁମ୍ଭକୁ ପାଇଲି ଭଲ,
ଭବିଷ୍ୟତ ପଥେ ଆଲୋକ ଦେଖାଇ
ଚାଲିବାକୁ ଶିଖାଇଲ।

ତୁମ୍ଭ ଗୁଣ ସବୁ ବଖାଣିବା ପାଇଁ
ଜ୍ଞାନ ହୋଇନି ମୋହରି,
କେତେବେଳେ ଦୁଇ ପଦ ଲେଖିଦିଏ
ତୁମ୍ଭରି ନାମ ସୁମରି।

ଜୟ ଶ୍ରୀ ଗଣେଷ ।


◆ କେ.ନିର୍ମଳ
◆ ଭଦ୍ରକ, ବାସୁଦେବପୁର(ଜଗନ୍ନାଥି)

0 Comments