ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ମନ କଥା (୨) - ଦେବୀ ପ୍ରଧାନ

ମନ କଥା (୨) - ଦେବୀ ପ୍ରଧାନ

କେମିତି ଭୁଲିଲ ଅତୀତକୁ ତୁମେ
କେମିତି ପାରିଲ ରହି ,
ଜୀବନ ଯନ୍ତ୍ରଣା କଷଣ ଦେଉଛି
ପାରୁନାହିଁ ଆଉ ସହି ।

ଚାତକ ପରି ମୁଁ ଚାହିଁ ରହିଥିବି
ତୁମରି ବାଟକୁ ସାଥି ,
ଫେରି ଆସ ମୋର ଏହି ହୃଦୟକୁ
ଥରେ ସେ ଅତୀତ ଭାବି ।

ନିରୀହ ଏ ମନ ତୁମରି ସ୍ମୃତିରେ
ହୁଏ ସଦା ଛଟ ପଟ ,
ତୁମେ କି ବୁଝିବ ଏଇ ଜୀବନ
ଚାହିଁଅଛି ତୁମ ବାଟ ।

ଲେଖୁଛି ଲେଖିବି ସଦା ଲେଖୁଥିବି
ତୁମରି ପାଇଁ କବିତା ,
ବିଶ୍ୱାସ ମୋହର ଦିନେ ତ ଫେରିବ
ଭାଂଗି ସବୁ ନିରବତା ।।

0 Comments