ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ପରଲୋକ ରେ ମହାନାୟକ - ସଦାନନ୍ଦ ସାହୁ

ପରଲୋକ ରେ ମହାନାୟକ - ସଦାନନ୍ଦ ସାହୁ

ହେ ମହାନାୟକ ଚଳଚିତ୍ର ପୁତ୍ର
ଅକାଳ ରେ ଗଲ ଛାଡ଼ି ;
ଝୁରୁଛି ଜନନୀ ମାଆ ଉତ୍କଳୀନି
ନୟନୁ ଅଶ୍ରୁ ନିଗାଡ଼ି !!
ପିତାମହ ଭୀଷ୍ମ ଆହେ ଦେବୁବୋଷ
ଦର୍ଶକର ପ୍ରିୟ ପିତା ;
ତଵ ଅଭିନୟ ସ୍ମୃତିର ପ୍ରତୀକ
ଅଲିଭା ଏ ପ୍ରେମ ବାର୍ତ୍ତା !!
ସୁନାଚଢ଼େଇ ର ସୁନା ବପା ତୁମେ
କରୁଣାର ଟିକି ଫୁଲ ;;
ଭୋଳା ଶଙ୍କର ର ତୁମେ ପିତୃଦେବ
ସ୍ୱାଭିମାନ ମାଗେ ମୂଲ !!
ରୂପେଲୀ ପରଦା ତୁମରି ସଂହିତା
କେତେ ଅଭିନୟ ଦୃଶ୍ୟ ;
ପ୍ରୀତି ଶରଧାରେ ଜନମନେ ଭାସେ
କଳଙ୍କ କରିନି ସ୍ପର୍ଶ ;;
ହେ ଯୁଗପୁରୁଷ ଶତ ପ୍ରଣିପାତ
ପାଦ ପଦ୍ମେ ଅଶ୍ରୁ ବିନ୍ଦୁ ;
ତଵ ସ୍ମୃତି ଗାଥା ଉତ୍କଳର ସତ୍ତା
ହେ ଚଳଚିତ୍ର ଶିଳ୍ପୀ ବନ୍ଧୁ !!
ମନର ମାନିନୀ କାନ୍ଦୁଛି ବାହୁନି
ସ୍ନେହଁର ସୌହାର୍ଦ୍ଦ୍ୟ ପାଇଁ ;
ସଚିତ୍ର ଜଗତେ ସହୋଦର କାନ୍ଦେ
କାହିଁ ଗଲ ପ୍ରିୟ ଭାଇ !!
ବହେ ଅଶ୍ରୁ ଧାର ଆହେ ସୁକୁମାର
ଶୁବିବନି ଆଉ ସ୍ୱର ;
ତଵ ଶୂନ୍ୟସ୍ଥାନ ହେବନି ପୂରଣ
ତମେ ଥିଲ ନିରାଧାର !!
ଶେଷ ଶ୍ରଦ୍ଧାଞ୍ଜଳୀ କରୁଛି ଅର୍ପଣ
ହେ ପ୍ରିୟ ଦେବୁ ବୋଷ ;
ଅମର ଅତ୍ମାର ସଦଗତି ହେଉ
ନଲିଭୁ ଅଲିଭା ହସ ;
ପୁଣି ଆଉ ଥରେ ଜନ୍ମିବ ଉତ୍କଳେ
ହସିବ ଜନନୀ ମାଆ ;
ଏଇ ଆମ ଆଶା ହେ ମହାପିତା
ଲିଭିବନି ତଵ ନାଁଆ !!




ସଦାନନ୍ଦ ସାହୁ
ଧୁରୁସିଆ, ଆଠଗଡ଼, କଟକ

0 Comments