ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ପ୍ରେମରେ ପଡିଲା ପରେ - ପ୍ରଶାନ୍ତ କୁମାର ନାଥ

ପ୍ରେମରେ ପଡିଲା ପରେ - ପ୍ରଶାନ୍ତ କୁମାର ନାଥ

ପ୍ରେମରେ ପଡିଲା ପରେ
ମୁଁ ହଜିଗଲି ମୋ ନିଜ ଭିତରେ
ହଜିଲା ମନକୁ ଖୋଜି ମୁ ଜାଣିଲି
ମନ ରହିଗଲା ତୁମରି ଠାରେ ।

ପ୍ରେମରେ ପଡିଲା ପରେ
ମନ ଲାଗିଲାନି କେଉଁ କାମରେ
ଅବୁଝା ମନକୁ ବୁଝେଇ ଦେଖିଲି
ତୁମକୁ ଝୁରୁଛି ପ୍ରତି ମୁହୂର୍ତ୍ତରେ ।

ପ୍ରେମରେ ପଡିଲା ପରେ
ଆସିଲ ମୋ ଭାବନାରେ
କାଗଜ କଲମ ଧରି ମୁଁ ବସିଲେ
ପ୍ରେମର କବିତା ଝରେ ।

ପ୍ରେମରେ ପଡିଲା ପରେ
ଆସିଲ ମୋ ସପନରେ
ତୁମରି ସପନ ଦେଖିବା ପାଇଁକି
ଆଖି ବୁଜେ ବିନା ନିଦରେ ।

ପ୍ରେମରେ ପଡିଲା ପରେ
ରହିଲି ମୁ ଯେତେ ଦୁରେ
କେଜାଣି କାହିଁକି ମନଟା ମୋହର
ତୁମକୁ ଖାଲି ହିଁ ଝୁରେ ।


ସୁନ୍ଦରପୁର, ପ୍ରୀତିପୁର, ଯାଜପୁର

0 Comments