ସ୍ମୃତିରେ ତେଜସ୍ୱୀ - ସଦାନନ୍ଦ ସାହୁ

ସ୍ମୃତିରେ ତେଜସ୍ୱୀ - ସଦାନନ୍ଦ ସାହୁ

ହେ ତେଜସ୍ୱୀ ପୁରୁଷ ସର୍ବ ମାନ୍ୟ ପୁତ୍ର
ଶତାବ୍ଦୀର ଶେଷ ସୂର୍ଯ୍ୟ ;
ଅଟଳ ଯୁଗର ହେଲା ଅବସାନ
ତୁଟିଗଲା ସବୁ ଧର୍ଯ୍ୟ !!!
ବର୍ଷିୟାନ ନେତା ମହା ରାଜନେତା
ସୁଯୋଗ୍ୟ ସନ୍ତାନ କଵି ;
କାହିଁଗଲ ହଜି ଅଟଳ ବିହାରୀ
ଆଉକିଏ ଉଇଁବ ରବି !!
କୋଟି ଜନମନେ ସ୍ମୃତି ଛବି ଭାସେ
ହେ ଦରଦୀ ହୃଦୟ ବନ୍ଧୁ ;
ମାଆ ଭାରତୀର ତୁମେହିଁ ପ୍ରିୟର
ଝରିପଡ଼େ ଅଶ୍ରୁ ବିନ୍ଦୁ !!
କଥା କୁହୁକରେ ଏ ସାରା ବିଶ୍ୱରେ
ଥିଲ ମହାବାଗ୍ମୀ ଭୀଷ୍ମ ;
ତେଜସ୍ୱୀ ଭାଷଣ ମୁଖେ ବଜ୍ରବାଣ
ମୁଖେ ଥିଲା ଚିର ହସ !!
ମାତୃଭାଷା ପ୍ରୀତି ତୁମରି ସମ୍ପତ୍ତି
ରହିଛି ରୋଚକ ଗାଥା ;
ବିଶ୍ୱଦରବାରେ ମହା ଜାତିସଂଘେ
ବଖାଣିଲ ମାଆ ଭଷା !!
ହୃଦୟର କଵି ଅମ୍ଳାନ ଏ ଛବି
ଦୃଢମନୋବଳ ଭାବ ;
ହରିବାର ଭୟ ନଥିଲା ତୁମର
ସର୍ବ ସିଦ୍ଧି ପୁଣ୍ୟ ଲାଭ !!
କାରଗିଲ ସମର ଅଲିଭା ସ୍ୱାକ୍ଷର
ଦେଶର ସୁରକ୍ଷା ଛବି ;
ତୁମରି ନିଷ୍ପତି ବିଜୟର ସ୍ମୃତି
ହସୁଛି ମାଆକୋଳେ ଭବି !!
ପ୍ରଧାନ ସେବକ ଦେଶମାତୃକାର
କାହିଁ ଛାଡ଼ି ଚାଲିଗଲ ;
ହସ ଲିଭିଗଲା ମାଆ ଭାରତୀର
ସ୍ୱପ୍ନ ହେଲା ସ୍ୱର୍ଗଫୁଲ !!
ଲୁହରେ ଭିଜିଲା ସ୍ମୃତି ରାଜଘାଟ
ପଞ୍ଚଭୁତେ ହେଲ ଲୀନ;
ପାଳିତା ନମିତା ଦେଲା ମୁଖାଅଗ୍ନି
ଆଉକି ଫେରିବ ଧନ !!
ରାଷ୍ଟ୍ରୀୟ ମର୍ଯ୍ୟାଦା କୁଶଳ ବ୍ୟବସ୍ଥା
ହେରତ୍ନ ପୁତ୍ର ସମର୍ପଣ ;
ମୃତ୍ଯୁପର ଅତ୍ମା ଭୁଲିବନି ଜମା
ମାଆ ଭାରତୀକୁ ଜାଣ !!
ଭାରତ ରତନ ହେ ଅଟଳ ସନ୍ତାନ
ଜନ୍ମିବ ଭାରତେ ତୁମେ ;
ଦୂରଆକାଶରୁ ଆସିବବ ହେଗୁରୁ
ଏ ପବିତ୍ର ଭାରତ ଭୂମେ !!
ଶେଷ ଶ୍ରଦ୍ଧାଞ୍ଜଳୀ କରହେ ଗ୍ରହଣ
ଆଜୀବନ ବ୍ରହ୍ମଚାରୀ;
ମୁଁ ଅଜ୍ଞାନ ସୁତ ଲେଖିଛି ବୃତାନ୍ତ
ତୁମରି ସ୍ମୃତି କୁ ସ୍ମରି !!


ସଦାନନ୍ଦ ସାହୁ
ଧୁରୁଷୀଆ, ଆଠଗଡ଼, କଟକ

3 Comments

  1. - ହୃଷୀକେଶ ପାଢୀ,ବୋଳକଣା, ଡେଲାଙ୍ଗ, ପୁରୀ।September 11, 2018 at 2:06 AM

    ବହୁତ ସୁନ୍ଦର ପରିବେଷଣ ।
    ଚମତ୍କାର ଭାବାବେଗ ।
    ଧନ୍ୟବାଦ

    ReplyDelete
  2. ଅଶେଷ ଧନ୍ୟବାଦ ବନ୍ଧୁ

    ReplyDelete
  3. ଧନ୍ୟବାଦ ହୃଦୟରୁ ବନ୍ଧୁ

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି Anonymous User ଭାବେ ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ନିଜର ମତାମତ ତଳେ ଆପଣଙ୍କ ନାମ ଓ ଠିକଣା ପ୍ରଦାନ କରିବାକୁ ଅନୁରୋଧ ।