ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଜଗା ଆସୁଛି - ବାଉରିବନ୍ଧୁ ଲେଙ୍କା

ଜଗା ଆସୁଛି - ବାଉରିବନ୍ଧୁ ଲେଙ୍କା

ଜଗା ଆସୁଛି ରେ ଜଗା ଆସୁଛି
ସଙ୍ଗେ ବଳଭଦ୍ର ଭଉଣୀ ସୁଭଦ୍ରା
ସୁଦର୍ଶନଙ୍କୁ ବି ଆଣିଛି
ଜଗା ଆସୁଛି ରେ ଜଗା ଆସୁଛି ॥ ୦॥

ସେନାପଟା ବେଶ ହୋଇଛି
ମଥାରେ ଟାହିଆ ନାଇଛି
ତାର ମତ୍ତଗଜ ଚାଲି ଆସେ ହଲି ହଲି
ଘଣ୍ଟୁଆଙ୍କ ଘଣ୍ଟ ବାଜୁଛି
ଜଗା ଆସୁଛି ରେ ଜଗା ଆସୁଛି ॥ ୧ ॥

ଆଲଟ ଚାମର ପଡୁଛି
ବୀର କାହାଳୀ ବି ବାଜୁଛି
ହରିବୋଲ ହୁଳହୁଳୀର ଧ୍ୱନୀରେ
ଶ୍ରୀକ୍ଷେତ୍ର ଉଠୁଛି ପଡୁଛି
ଜଗା ଆସୁଛି ରେ ଜଗା ଆସୁଛି ॥ ୨ ॥

ଦେବଦାସୀ ନୃତ୍ୟ ଚାଲିଛି
ବନାଟି ଚକର ଘୁରୁଛି
ବଡଦାଣ୍ତେ ଖାଲି ମାଳ ମାଳ ମୁଣ୍ତ
ଉଦଣ୍ତ କୀର୍ତ୍ତନ ଚାଲିଛି
ଜଗା ଆସୁଛି ରେ ଜଗା ଆସୁଛି ॥ ୩ ॥

ବାଇଶି ପାହାଚ ଗଲାଣି
ସିଂହଦ୍ୱାର ପାଖ ହେଲାଣି
ନନ୍ଦିଘୋଷ ତେଣେ ସଜବାଜ ହୋଇ
ଜଗାର ବାଟକୁ ଚାହିଁଛି
ଜଗା ଆସୁଛି ରେ ଜଗା ଆସୁଛି॥ ୪ ॥

ନନ୍ଦିଘୋଷେ ଜଗା ବସିବ
ତାର ଜିନିଷ ପତର ଆସିବ
ନବଦିନ ପାଇଁ ରଥରେ ଚଢି ସେ
ମାଉସୀ ଘରକୁ ଯାଉଛି
ଜଗା ଆସୁଛି ରେ ଜଗାଆସୁଛି ॥ ୫ ॥

ପ୍ରତି ବରଷ ତୁ ଆସୁଥା
ଭକତଙ୍କ ମନ ମୋହୁଥା
ଏହିପରି ଲୀଳା ଚାଲିଥାଉ ତୋର
ଏ ଦୀନ ଗୁହାରି କରୁଛି
ଜଗା ଆସୁଛି ରେ ଜଗା ଆସୁଛି ॥ ୬ ॥

0 Comments