Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ଅନୁଚିନ୍ତା ସ୍ୱ।ଧୀନତା ଦିବସର - ଘନଶ୍ୟାମ ସାହୁ

ଆରମ୍ଭ ହୋଇଛି ଅନୁଚିନ୍ତା
ସ୍ୱାଧୀନତା ଦିବସର
ମିଥ୍ୟା ଭାଷଣ ବାଜି ତଥା ପ୍ରତାରଣାର
ପ୍ରସ୍ତୁତି ପର୍ବ
ଆରମ୍ଭ ହୋଇଛି ।
ଦୀର୍ଘ ଏକସ୍ତରୀ ବର୍ଷ ଅତିକ୍ରାନ୍ତ ହେଲାପରେ ବି
କାହିଁକି ମନରେ ଆସୁନି ବିଶ୍ୱାସ
ସତରେ କ'ଣ ଭାରତବର୍ଷ
ସ୍ୱାଧୀନ ହୋଇଛି ?

ଆରମ୍ଭ ହୋଇଛି ଅନୁଚିନ୍ତା
ଆଜି ବି ଦୁର୍ଯ୍ୟୋଧନର ଅତ୍ୟାଚାର
ଗୈାରବମୟ ଭାରତବର୍ଷର
ସଭାତଳେ ଦିନ ଦ୍ୱିପ୍ରହରରେ
ଲଜ୍ଜା ନିବାରଣ ପାଇଁ
ଚିତ୍କାର କରୁଛି ଆକୁଳ ରେ
ନିରୀହା ଦ୍ରୈ।ପଦୀ
ନୀରବି ଯାଇଛନ୍ତି ପିତାମହ ଭୀଷ୍ମ
କାହାନ୍ତି ଶ୍ରୀ କୃଷ୍ଣ ଦେବାପାଇଁ ଅଭୟ
ତଥା କୋଟି ବସ୍ତ୍ର ତାକୁ
ଯିଏକି ବର୍ତ୍ତିବାକୁ ଦୁର୍ଯ୍ୟୋଧନ ଦୁଃଶାସନ ଆଦି
ଅତ୍ୟାଚାରୀ ମାନଙ୍କ କବଳରୁ
ମୁକୁଳିବାକୁ ଦୟନୀୟ ଭାବେ
ମିନତି କରୁଛି ।

ଆରମ୍ଭ ହୋଇଛି ଅନୁଚିନ୍ତା
କାହିଁ ଗଲେ ଭୀମ ବୃକୋଦର
ନ ଦେଇ ଖାଲି ମୃତ୍ୟୁ ଦଣ୍ଡ
କରିବାକୁ ଜାନୁଭଗ୍ନ କିମ୍ବା
ଦେବାକୁ ଉପାଡ଼ି ହାତ କିମ୍ବା ଗୋଡ଼
ତେବେ ତ କହିବା ଉଚିତ୍ ଶିକ୍ଷା ମିଳିଛି ।

ଆରମ୍ଭ ହୋଇଛି ଅନୁଚିନ୍ତା
ନିର୍ବିଘ୍ନରେ ନିରାପଦରେ ଚଳିବାରେ
ସ୍ୱାଧୀନ ଭାବରେ ମତବ୍ୟକ୍ତ କରିବାର
ଥିବ ଅଧିକାର
ନଥିବ ତିଳେ ଭୟ ଚାପଗ୍ରସ୍ତ ହେବାର
ନଥିବ ଭୟ ପରାଧୀନତାର ତଥା
ଶୃଙ୍ଖଳ ଗୁଳି ଆଉ ଭୁଜାଲିର
ତେବେ ତ ଆମେ ମୁକ୍ତ କଣ୍ଠରେ କହିପାରିବା
କୃଷ୍ଣ ଅବତରିତ ଏଇ ଧରାପୃଷ୍ଠରେ
ଭୀମ ଅର୍ଜୁନଙ୍କ ସହ ଦେବାକୁ ସୁରକ୍ଷା
ପୁଣି ଥରେ ସ୍ୱ।ଧୀନତା ଆସିଛି
ଆରମ୍ଭ ହୋଇଛି ଅନୁଚିନ୍ତା
ସ୍ୱାଧୀନତା ଦିବସର
ପ୍ରସ୍ତୁତି ପର୍ବ ଆରମ୍ଭ ହୋଇଛି ।


ଘନଶ୍ୟାମ ସାହୁ
ଯୁଗ୍ମ ସମ୍ପାଦକ- ତ୍ରିଧାରା ସାହିତ୍ୟ ସଂସଦ, ବଇଣ୍ଡ।,
ପୋ:ଅ: କିଶୋର ଗଞ୍ଜ, ଜିଲ୍ଲା-ଅନୁଗୋଳ, ପିନ୍ କୋଡ- ୭୫୯୧୨୭
ମୋବାଇଲ ନମ୍ବର- ୯୪୩୭୬୬୪୫୩୭

Post a Comment

0 Comments