ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଫେରିଆସ ତୁମେ - ଲୀନା ମହାନ୍ତି

ଫେରିଆସ ତୁମେ - ଲୀନା ମହାନ୍ତି

ଫେରିଆସ ତୁମେ ହେ ବୀରପୁରୁଷ,
ଡାକେ ଦେଶମାଟି କରି ଅବଶୋଷ ।।
ହଜିଗଲ ତୁମେ ନିମିଷକେ କାହିଁ,
କାନ୍ଦେ ଗଛ ଲତା ଆଜି ତୁମ ପାଇଁ ।।
ନିଶ୍ଚଳ ନିଶବ୍ଦ ହେଲା ସାରା ଦେଶ,
ଅଟକିଲା ସତେ ସଭିଙ୍କ ନିଶ୍ଵାସ ।।
ଜନ୍ମସ୍ଥାନ ତୁମ ଥିଲା ଗ୍ଵାଲିଅର୍,
ମଧ୍ୟବିତ୍ତ ଥିଲା ତୁମ ପରିବାର ।।
କ୍ରିଷ୍ଣାଦେବୀ ଙ୍କର ଥିଲ ତୁମେ ପୁତ୍ର,
କରିଅଛ ତାଙ୍କ ନାଁକୁ ପ୍ରଖ୍ୟାତ ।।
ଦେଶସେବା ପାଇଁ ଥିଲା ତୁମ ମନ,
ସମର୍ପି ଦେଲ ତୁମରି ଜୀବନ ।।
ସଂଗ୍ରାମୀ ସାଜିଲ ସ୍ବାଧିନତା ପାଇଁ,
ସହିଛ ଯାତନା କାରାବାସ ଯାଇ ।।
ଧରିଲ ହାତରେ ଦେଶର ଶାସନ,
ହେଲେ କାର୍ଯ୍ୟକାଳ ଥିଲା ତେରଦିନ ।।
ତଥାପି ମନରେ ଆସିନାହିଁ ଭୟ ,
ଧର୍ମଯୁଦ୍ଧେ ହେଲା ତୁମର ହିଁ ଜୟ ।।
ଧରିଲ ହାତରେ ଶାସନର ଡୋରି,
ଗଢିଲ ଭାରତ ତୁମ ସ୍ବପ୍ନପରି ।।
ଥିଲ ଭାରତର ଉଜ୍ଜ୍ୱଳ ପ୍ରଦୀପ,
ଭରିଥିଲ ବାସ୍ନା ସାଜିକି ମହକ ।।
ଭାରତର ତୁମେ ଥିଲ ଗୋଟେ ରତ୍ନ,
ଥିଲ ସତେ ତୁମେ ଦେଶର ସମ୍ମାନ ।।
କବିତାରେ ତୁମ ଥିଲା ଦେଶଭକ୍ତି,
ହାରିଥିବା ମନେ ଭରିଦିଏ ଶକ୍ତି ।।
ଯେତେ କହିଲେ ବି କମ୍ ତୁମ ପାଇଁ,
ପ୍ରେରଣାଟେ ଥିଲ ତୁମେ ଆମ ପାଇଁ ।।
ଅସ୍ତ ହେଇଗଲ ସବୁଦିନ କାହିଁ,
ଫେରିଆସ ତୁମେ ଖୋଜା ତୁମ ପାଇଁ ।।
ଆସ ଆଉଥରେ ମାନବ ରୂପରେ,
ଏ ଦେଶ ଜନତା ଖୋଜେ ପ୍ରତିକ୍ଷଣେ ।।
ଫେରିଆସ ତୁମେ ଏ ମହୀ କୋଳକୁ,
ଧନ୍ୟ କରି ତୁମେ ଏ ମାଟି ମାଆକୁ ।।


ଲିନା ମହାନ୍ତି
ଗ୍ରାମ-ରାୟରପୁର, ପୋ-କୃଷ୍ଣଦାସପୁର,
ଥାନା-ବାଲିକୁଦା, ଜିଲ୍ଲା-ଜଗତସିଂହପୁର, ପିନ୍-୭୫୪୧୦୬

0 Comments